പാൻ ആധാറുമായി ബന്ധിപ്പിയ്ക്കുന്നതിന് വീണ്ടും സമയം നീട്ടി നൽകി ആദായ നികുതി വകുപ്പ്. അടുത്തവർഷം മാർച്ച് 31 വരെയണ് സമയം നീട്ടി നൽകിയിരിയ്ക്കുന്നത്. രാജ്യത്ത് കൊവിഡ് വ്യാപനം വർധിയ്ക്കുന്ന പശ്ചാത്തത്തിലാണ് നടപടി. ഈ വർഷം മാർച്ച് 31ന് സമയ പരിധി അവസാനിയ്ക്കാനിരിയ്ക്കെ കൊവിഡ് വ്യാപനത്തെ തുടർന്ന് ജൂൺ 30 വരെ ആദയ നികുതി വകുപ്പ് സമയം നീട്ടിയിരുന്നു. ഈ കാലാവധി അവസാനിച്ചതോടെയാണ് വീണ്ടും സമയം നീട്ടിൻൽകിയിരിയ്ക്കുന്നത്.

2019-20 സാമ്പത്തിക വർഷത്തിലെ ആദയ നികുതി റിട്ടേൺ സമർപ്പിയ്ക്കുന്നതിനുള്ള സമയപരിധിയും കഴിഞ്ഞ ദിവസം നീട്ടി നൽകിയിരുന്നു. നവംബർ 30 വാരെ ആദായ നികുതി റിട്ടേർ ഫയൽ ചെയ്യാം. കൊവിഡ് വ്യാപനം ആരംഭിച്ചതോടെ ഇത് ആദ്യം ജൂൺ 30 ആയും, പിന്നീട് ജൂലൈ 31 ആയും നീട്ടി നൽകിയാതാണ്. കൊവിഡ് വ്യാപനം അതിരൂക്ഷമായി തുടരുന്ന പശ്ചാത്തലത്തിലാണ് പിന്നീട് നവംബർ വരെ സാമയം അനുവദിച്ചത്.