കൊച്ചി|
JOYS JOY|
Last Modified ചൊവ്വ, 6 ഒക്‌ടോബര്‍ 2015 (09:25 IST)
ഇന്ത്യന്‍ സൂപ്പര്‍ ലീഗില്‍ ആദ്യ പോരാട്ടത്തിനായി ഇന്ന് കേരള ബ്ലാസ്റ്റേഴ്സ് ഇറങ്ങും. കൊച്ചിയില്‍ ആദ്യകളിക്ക് ഇറങ്ങുന്ന ബ്ലാസ്റ്റേഴ്സിന് ആവേശമായി സച്ചിന്‍ തെണ്ടുല്‍ക്കറും ഗാലറിയില്‍ എത്തും. ആദ്യ മത്സരത്തില്‍ നോര്‍ത്ത് ഈസ്റ്റ് യുണൈറ്റഡ് ആണ് ബ്ലാസ്റ്റേഴ്സിന്റെ എതിരാളികള്‍.
വെറ്ററന്‍ ഡിഫന്‍ഡര്‍ കാര്‍ലോസ് മാര്‍ച്ചേന മാര്‍ക്വീ താരമായി അണിയിലുണ്ടെങ്കിലും പരിക്കുകാരണം നാട്ടിലേക്ക് മടങ്ങിയിരിക്കുകയാണ്. കഴിഞ്ഞ സീസണില്‍ മികച്ച ഭാവിതാരത്തിനുള്ള പുരസ്കാരം നേടിയ സന്ദേശ് ജിങ്കാന്‍ ദേശീയ ക്യാമ്പില്‍ പങ്കെടുക്കുന്നതിനാല്‍ ബ്ലാസ്റ്റേഴ്സിനു വേണ്ടി കളത്തിലിറങ്ങില്ല.
ഇംഗ്ലണ്ടുകാരായ പീറ്റര്‍ റാമേജ്, മാര്‍കസ് വില്യംസ്, ബ്രസീലുകാരനായ ബ്രൂണോ പെറോണ്‍ എന്നിവരാണ് പ്രതിരോധത്തിലെ മറുനാട്ടുകാര്‍. രമണ്‍ദീപ് സിങ്, ഗുര്‍വീന്ദര്‍ സിങ് എന്നിവരുമുണ്ട്. മുന്‍ വെസ്റ്റ്ഹാം ഗോളിയായ സ്റ്റീഫന്‍ ബൈവാട്ടറാണ് ഗോള്‍വല കാക്കുന്നത്.
പോര്‍ചുഗീസ് താരം ജോവോ കൊയിമ്പ്ര, ഹോസു പ്രീറ്റോ, ഇംഗ്ലണ്ടുകാരനായ അന്റോണിയോ ജര്‍മെയ്ന്‍ സ്പാനിഷ്താരം വിക്ടര്‍ പൂള്‍ഗ എന്നിവരാണ് മിഡ്ഫീല്‍ഡില്‍ ഉണ്ടാകുക. ഇവര്‍ക്കൊപ്പം മലയാളിതാരം സി കെ വിനീത്, കെവിന്‍ ലോബോ, പീറ്റര്‍ കാര്‍വാലോ, മെഹ്താബ് ഹുസൈന്‍ എന്നിവരും ഉണ്ടാകും. മുന്‍നിരയില്‍ മലയാളിതാരം റാഫിയും മനന്‍ദീപും ഇംഗ്ലണ്ടുകാരായ ക്രിസ് ഡാഗ്നലും സാഞ്ചസ് വാട്ടും ഇറങ്ങും.
