തമിഴക രാഷ്ട്രീയാന്തരീക്ഷം തിളച്ചുമറിയുന്നതിനിടെ തെ​ന്നി​ന്ത്യ​ൻ സൂ​പ്പ​ർ താ​ര​ങ്ങ​ളാ​യ ക​മ​ൽ​ഹാ​സ​നും ര​ജ​നി​കാ​ന്തും ത​മ്മി​ൽ കൂ​ടി​ക്കാ​ഴ്ച ന​ട​ത്തി.

പോയ്സ് ഗാര്‍ഡനിലെ രജനിയുടെ വീട്ടിലെത്തിയാണ് കമല്‍ സന്ദര്‍ശിച്ചത്. ഇ​രു​പ​ത് മി​നി​റ്റ് കൂ​ടി​ക്കാ​ഴ്ച നീ​ണ്ടു​നി​ന്നു.

കൂ​ടി​ക്കാ​ഴ്ച സൗ​ഹൃ​ദ​സ​ന്ദ​ർ​ശ​നം മാ​ത്ര​മാ​ണെ​ന്ന് ക​മ​ൽ​ പ​റ​ഞ്ഞു. പാര്‍ട്ടി പ്രഖ്യാപനച്ചടങ്ങിലേയ്ക്ക് ക്ഷണിക്കാനാണ് അദ്ദേഹം എത്തിയതെന്ന് രജനി മാധ്യമപ്രവര്‍ത്തരോട് പറഞ്ഞു. ഇക്കാര്യം കമലും പിന്നീട് സ്ഥിരീകരിച്ചു.

പണത്തിനും പ്രശസ്‌തിക്കും വേണ്ടിയല്ല താനും രജനിയും രാഷ്‌ട്രീയത്തില്‍ ഇറങ്ങുന്നതെന്ന് കമല്‍ വ്യക്തമാക്കിയപ്പോള്‍ തമിഴ് ജനതയ്‌ക്കു വേണ്ടിയാണ് പ്രവര്‍ത്തിക്കാന്‍ ഒരുങ്ങുന്നതെന്ന് രജനിയും വ്യക്തമാക്കി.

താ​നും ര​ജ​നീയും അ​ടു​ത്ത സു​ഹൃ​ത്തു​ക്ക​ളാ​ണ്. മാ​ധ്യ​മ​ങ്ങ​ൾ​ക്ക് ഒ​രു പ​ക്ഷേ കൂ​ടി​ക്കാ​ഴ്ച​യി​ൽ പു​തു​മ തോ​ന്നി​യേ​ക്കാം. പാ​ർ​ട്ടി പ്ര​ഖ്യാ​പ​ന​ത്തി​നു മു​മ്പ് അ​ടു​ത്ത സു​ഹൃ​ത്തി​നെ വന്നു ക​ണ്ടു എ​ന്നു​മാ​ത്ര​മേ ഉ​ള്ളു​വെ​ന്നും ക​മ​ൽഹാ​സ​ൻ പ​റ​ഞ്ഞു.

കൂടിക്കാഴ്‌ചയുടെ കൂടുതല്‍ വിവരങ്ങളൊന്നും ലഭ്യമായിട്ടില്ല. ഫെ​ബ്രു​വ​രി 21നാ​ണ് ക​മ​ൽ​ഹാ​സ​ൻ പു​തി​യ രാ​ഷ്ട്രീ​യ പാ​ർ​ട്ടി പ്ര​ഖ്യാ​പി​ക്കു​ന്ന​ത്. ഇതിനു മുന്നോടിയായിട്ടാണ് അദ്ദേഹം രജനിയെ സന്ദര്‍ശിച്ചത്.