6, 000 കോടിയുടെ ആസ്തിയുള്ള പിതാവ് സാധാരണക്കാരുടെ ജീവിതം മകന്‍ പഠിക്കണമെന്ന് തീരുമാനിച്ചു; മകനെ അയച്ചത് കേരളത്തിലേക്ക്; പിന്നെ സംഭവിച്ചത് എന്താണെന്നോ ?

6, 000 കോടിയുടെ ആസ്തിയുള്ള പിതാവ് സാധാരണക്കാരുടെ ജീവിതം മകന്‍ പഠിക്കണമെന്ന് തീരുമാനിച്ചു; മകനെ അയച്ചത് കേരളത്തിലേക്ക്; പിന്നെ സംഭവിച്ചത് എന്താണെന്നോ ?

കൊച്ചി| JOYS JOY| Last Modified വെള്ളി, 22 ജൂലൈ 2016 (14:38 IST)
തലതെറിച്ചു നടന്ന മകനെ കഷ്‌ടപ്പാടിന്റെയും ബുദ്ധിമുട്ടിന്റെയും വഴി പഠിപ്പിക്കാന്‍ കേരളത്തിലേക്ക് അയച്ച് കഥ നമ്മള്‍ സിനിമയില്‍ കണ്ടിട്ടുണ്ട്, അതെ എ ബി സി ഡിയില്‍ തന്നെ. എന്നാല്‍, ആ ‘അമേരിക്കന്‍ ബോണ്‍ കണ്‍ഫ്യൂസ്ഡ് ദേശി’ കേരളത്തില്‍ വന്ന് കാട്ടിക്കൂട്ടിയതൊക്കെ വന്‍ വാര്‍ത്തയായി. അവര് വല്ലതും പഠിച്ചോ എന്ന് ചോദിച്ചാല്‍ അത് ജോണിനോട് തന്നെ ചോദിക്കണം. പക്ഷേ, ഗുജറാത്തില്‍ നിന്ന് സാധാരണക്കാരുടെ ജീവിതം അറിയാന്‍ കേരളത്തില്‍ എത്തിയ ദ്രവ്യ ധൊലാകിയ എന്ന 21 കാരന്‍ ബഹളങ്ങള്‍ ഒന്നുമില്ലാതെ സാധാരണക്കാരന്റെ ജീവിതമറിഞ്ഞ് വീട്ടില്‍ തിരിച്ചെത്തി.

ഗുജറാത്തിലെ പ്രമുഖ രത്നവ്യാപാരിയായ സാവ്‌ജി ദൊകാലിയയാണ് തന്റെ മകനെ സാധാരണക്കാരുടെ ഇടയിലേക്ക് പറഞ്ഞയച്ചത്. 71 രാജ്യങ്ങളില്‍ ബിസിനസ് ഉള്ള ആറായിരം കോടി രൂപയുടെ ആസ്തിയുള്ള സാവ്‌ജി ജോലിക്ക് വേണ്ടിയും പണത്തിന് വേണ്ടിയുമുള്ള മനുഷ്യരുടെ കഷ്‌ടപ്പാട് അറിയാന്‍ വേണ്ടിയാണ് മകനെ പറഞ്ഞയച്ചത്. അങ്ങനെ 7000 രൂപയുമായി കൊച്ചിയിലെത്തിയ ദ്രവ്യ ഒരു മാസത്തെ അദ്ധ്വാനത്തിനൊടുവില്‍ 4000 രൂപ സമ്പാദിച്ചാണ് ജന്മനാട്ടിലേക്ക് മടങ്ങിയത്.

മൂന്നു നിബന്ധനകള്‍ ആയിരുന്നു താന്‍ മകന് മുന്നില്‍ വെച്ചിരുന്നതെന്ന് സാവ്‌ജി വ്യക്തമാക്കി. അദ്ധ്വാനിച്ച് പണം ഉണ്ടാക്കുക, ഒരു ആഴ്ചയില്‍ കൂടുതല്‍ എവിടെയും ജോലി ചെയ്യരുത്, അച്ഛന്റെ പേരോ വിശദാംശങ്ങളോ ഒന്നിനു വേണ്ടിയും ഉപയോഗിക്കരുത്, മൊബൈല്‍ ഫോണ്‍ ഉപയോഗിക്കരുത്, വീട്ടില്‍ നിന്ന് 7000 രൂപയില്‍ കൂടുതല്‍ എടുക്കാന്‍ പാടില്ല. പാവപ്പെട്ടവര്‍ പണം സമ്പാദിക്കാനും ജോലി സമ്പാദിക്കാനും എത്രത്തോളം കഷ്‌ടപ്പെടുന്നുണ്ടെന്ന് മകനെ ബോധ്യപ്പെടുത്തണമെന്ന് ആഗ്രഹിച്ചു. എന്നാല്‍, അനുഭവം അല്ലാതെ ലോകത്തെ ഒരു സര്‍വ്വകലാശാലയും ഇതൊന്നും പഠിപ്പിക്കില്ല. അതിനാലാണ് താന്‍ മകനെ തെരുവിലേക്ക് അയച്ചത്. നേരത്തെ, തൊഴിലാളികള്‍ക്ക് ബോണസ് ആയി ഫ്ലാറ്റും കാറും നല്കിയതിലൂടെ സാവ്‌ജി മാധ്യമശ്രദ്ധ നേടിയിരുന്നു.

യുഎസില്‍ എം ബി എ ചെയ്യുന്ന ദ്രവ്യ അവധിക്കാലത്തിനായി ഇന്ത്യയില്‍ എത്തിയപ്പോഴാണ് പിതാവിന്റെ നിര്‍ദ്ദേശപ്രകാരം കൊച്ചിയില്‍ എത്തിയത്. ജൂണ്‍ 21ന് മൂന്നു സെറ്റ് ഉടുപ്പും 7,000 രൂപയുമായി എത്തിയ ദ്രവ്യ അഞ്ചുദിവസമാണ് ജോലി ലഭിക്കാതെയും താമസിക്കാന്‍ ഉചിതമായ സ്ഥലം കിട്ടാതെയും അലഞ്ഞത്. 60 സ്ഥലങ്ങളില്‍ നിന്ന് ജോലി നിഷേധിച്ചു. ഇവിടെ ആര്‍ക്കും തന്നെ അറിയില്ലായിരുന്നു. നിഷേധിക്കപ്പെടുന്നവരുടെ അവസ്ഥ എന്താണെന്നും ഈ കാലഘട്ടത്തില്‍ ഒരു ജോലിക്ക് എത്രമാത്രം
പ്രസക്തിയുണ്ടെന്നും താന്‍ തിരിച്ചറിഞ്ഞെന്നും ദ്രവ്യ വ്യക്തമാക്കുന്നു. ഗുജറാത്തിലെ ഒരു പാവപ്പെട്ട കുടുംബത്തില്‍ നിന്നാണ് പ്ലസ് ടു കഴിഞ്ഞ താന്‍ വരുന്നതെന്നായിരുന്നു ദ്രവ്യ എല്ലാവരോടും പറഞ്ഞത്.

ചേരാനെല്ലൂരിലെ ഒരു ബേക്കറിയിലാണ് ദ്രവ്യയ്ക്ക് ആദ്യമായി ജോലി ലഭിച്ചത്. പിന്നീട്, കോള്‍ സെന്ററിലും ഷൂ ഷോപ്പിലും മക്‌ഡൊണാള്‍ഡ്‌സിന്റെ ഔട്ട്‌ലെറ്റിലും ജോലി നോക്കി. ഒരു മാസം കൊണ്ട് 4, 000 രൂപ സമ്പാദിച്ചു. പണത്തെക്കുറിച്ചോര്‍ത്ത് ബുദ്ധിമുട്ടിയില്ലെന്നും എന്നാല്‍, 40 രൂപയ്ക്ക് ഭക്ഷണം കിട്ടാന്‍ ബുദ്ധിമുട്ടിയെന്നും ദ്രവ്യ പറയുന്നു. കൂടാതെ, ലോഡ്‌ജിനായി ഓരോ ദിവസവും 250 രൂപ ആവശ്യമുണ്ടായിരുന്നു. സാധാരണക്കാരന്റെ ജീവിതം പഠിച്ചതിനു ശേഷം ദ്രവ്യ കഴിഞ്ഞദിവസം സൂറത്തിലേക്ക് മടങ്ങി.



ഇതിനെക്കുറിച്ച് കൂടുതല്‍ വായിക്കുക :

പ്രായമായ സ്ത്രീകളെ വരെ ബെഡ്‌റൂമിൽ കയറ്റി വാതിലടക്കും, ...

പ്രായമായ സ്ത്രീകളെ വരെ ബെഡ്‌റൂമിൽ കയറ്റി വാതിലടക്കും, ചോദിച്ചാൽ അമ്മയെ പോലെ എന്ന് പറയും: ബാലയ്‌ക്കെതിരെ എലിസബത്ത് ഉദയൻ
നടൻ ബാലയ്‌ക്കെതിരെ വീണ്ടും ആരോപണങ്ങളുമായി മുൻഭാര്യ എലിസബത്ത് ഉദയൻ. തന്നെ വിവാഹം ...

കരളില്‍ നീര്‍ക്കെട്ടുണ്ടാക്കുന്ന എബിസി ജ്യൂസ്; അമിതമായി ...

കരളില്‍ നീര്‍ക്കെട്ടുണ്ടാക്കുന്ന എബിസി ജ്യൂസ്; അമിതമായി കുടിക്കരുത്
ആപ്പിള്‍, ബീറ്റ്റൂട്ട്, കാരറ്റ് എന്നിവയടങ്ങിയ ജ്യൂസിനെയാണ് എബിസി ജ്യൂസ്

മാര്‍ക്കോ കാണാനുള്ള മനഃശക്തി ഇല്ല, ഫാമിലി ഓഡിയന്‍സ് ആ ...

മാര്‍ക്കോ കാണാനുള്ള മനഃശക്തി ഇല്ല, ഫാമിലി ഓഡിയന്‍സ് ആ സിനിമയ്ക്ക് കയറില്ല: മെറിന്‍ ഫിലിപ്പ്
സിനിമ തിയേറ്ററിൽ നിന്നും 100 കോടിയിൽ അധികം കളക്ട് ചെയ്തിരുന്നു.

സൽമാൻ ഖാൻ-അറ്റ്ലീ ചിത്രം ഉപേക്ഷിക്കാനുള്ള കാരണം കമൽ ഹാസനും ...

സൽമാൻ ഖാൻ-അറ്റ്ലീ ചിത്രം ഉപേക്ഷിക്കാനുള്ള കാരണം കമൽ ഹാസനും രജനികാന്തും?
ഷാരൂഖ് ഖാനൊപ്പം ഒന്നിച്ച ‘ജവാന്‍’ സൂപ്പര്‍ ഹിറ്റ് ആയതോടെ ബോളിവുഡിലും ...

അവാർഡ് കണ്ടിട്ടല്ല കണ്ണെഴുതി പൊട്ടും തൊട്ടും ചെയ്തത്, സിനിമ ...

അവാർഡ് കണ്ടിട്ടല്ല കണ്ണെഴുതി പൊട്ടും തൊട്ടും ചെയ്തത്, സിനിമ ജീവിതത്തിൽ കടപ്പെട്ടിരിക്കുന്നത് അദ്ദേഹത്തോട്: മഞ്ജു വാര്യർ
രണ്ടാം വരവിലും തന്റെ സ്ഥാനം കൈവിടാത്ത നടിയാണ് മഞ്ജു വാര്യർ. ഇപ്പോൾ ഡെന്നിസ് ജോസഫ് ...

ട്രെയിന്‍ വരുമ്പോള്‍ റെയില്‍വേ ട്രാക്കില്‍ അടിച്ചു ഫിറ്റായി ...

ട്രെയിന്‍ വരുമ്പോള്‍ റെയില്‍വേ ട്രാക്കില്‍ അടിച്ചു ഫിറ്റായി രണ്ടുപേര്‍ കെട്ടിപ്പിടിച്ച് കിടക്കുന്നു; ട്രെയിന്‍ നില്‍ക്കുമ്പോള്‍ എഞ്ചിന്റെ അടിയില്‍, അപൂര്‍വമായ രക്ഷപ്പെടല്‍
റെയില്‍വേ ട്രാക്കില്‍ അടിച്ചു ഫിറ്റായി കിടന്ന രണ്ടുപേര്‍ രക്ഷപ്പെട്ടത് അത്ഭുതകരമായി. ...

ആശാവര്‍ക്കര്‍മാരുടെ സമരത്തിന് പിന്നാലെ സെക്രട്ടറിയേറ്റിന് ...

ആശാവര്‍ക്കര്‍മാരുടെ സമരത്തിന് പിന്നാലെ സെക്രട്ടറിയേറ്റിന് മുന്നില്‍ അവകാശ സമരവുമായി അങ്കണവാടി ജീവനക്കാരും
ആശാവര്‍ക്കര്‍മാരുടെ സമരത്തിന് പിന്നാലെ സെക്രട്ടറിയേറ്റിന് മുന്നില്‍ അവകാശ സമരവുമായി ...

ഹൈക്കോര്‍ട്ട് റൂട്ടില്‍ കൊച്ചി മെട്രോ ഇലക്ട്രിക് ബസ് ...

ഹൈക്കോര്‍ട്ട് റൂട്ടില്‍ കൊച്ചി മെട്രോ ഇലക്ട്രിക് ബസ് സര്‍ക്കുലര്‍ സര്‍വീസ് നാളെ മുതല്‍
രാവിലെ 7.45 മുതല്‍ രാത്രി 8 മണി വരെ 10 മിനിറ്റ് ഇടവിട്ട് സര്‍വ്വീസ് ഉണ്ടാകും

Sunita Williams: അൺഡോക്കിങ് പൂർത്തിയായി, ഭൂമിയിലേക്കുള്ള ...

Sunita Williams: അൺഡോക്കിങ് പൂർത്തിയായി, ഭൂമിയിലേക്കുള്ള യാത്ര ആരംഭിച്ച് സുനിത
ഇന്ത്യന്‍ സമയം ചൊവ്വാഴ്ച രാവിലെ 10:35 ഓടെയാണ് സുനിതയുമായുള്ള പേടം ഭൂമിയിലേക്ക് യാത്ര ...

കഴിഞ്ഞ അഞ്ചുവര്‍ഷത്തിനിടെ കേരളത്തില്‍ കാട്ടാനകള്‍ കൊന്നത് ...

കഴിഞ്ഞ അഞ്ചുവര്‍ഷത്തിനിടെ കേരളത്തില്‍ കാട്ടാനകള്‍ കൊന്നത് 111 പേരെ; മരണങ്ങള്‍ കൂടുതലും പാലക്കാട്
കഴിഞ്ഞ അഞ്ചുവര്‍ഷത്തിനിടെ കേരളത്തില്‍ കാട്ടാനകള്‍ കൊന്നത് 111 പേരെ. 2020 ജനുവരി മുതല്‍ ...