ഒഡീഷയിൽ നിന്നും 21 സീറ്റുകളാണ് ലോക്സഭയിലേക്കുള്ളത്. ബിജു ജനതാദളിൽ നിന്നും ഒഡീഷ പിടിച്ചെടുക്കാനുള്ള ലക്ഷ്യത്തിലാണ് ബിജെപി. 20 സീറ്റിലും ആധിപത്യം ഉറപ്പിച്ച് ബിജു ജനതാദൾ ഒഡീഷയെ നെഞ്ചോട് ചേർക്കുകയായിരുന്നു. വെറും 1 സീറ്റിലാണ് ബിജെപിക്ക് തങ്ങളുടെ മേൽക്കൈ തെളിയിക്കാനായത്.

ബിജെപി അനുകൂല തരംഗമായിരുന്നു 2014ൽ. ആകെയുള്ള 543 സീറ്റുകളിൽ 282 സീ‍റ്റുകളിലും ആധിപത്യം ഉറപ്പിച്ചായിരുന്നു ബിജെപി അധികാരത്തിൽ വന്നത്. കോൺഗ്രസിന്റെ ദയനീയ തോൽ‌വിക്ക് രാജ്യം സാക്ഷിയായി. വെറും 44 സീറ്റുകൾ മാത്രമാണ് കോൺഗ്രസിനു നേടാനായത്. ജയലളിതയുടെ പാർട്ടിയായ എ ഐ എ ഡി എം കെ 37 സീറ്റുകൾക്കാണ് തമിഴ്നാട്ടിൽ ജയിച്ചത്. തൃണമൂൽ കോൺഗ്രസിന് 34 സീറ്റുകളിലാണ് ശക്തി തെളിയിക്കാനായത്.