കോട്ടയം|
Last Modified തിങ്കള്‍, 12 മെയ് 2014 (15:37 IST)
എംജി സര്‍വകലാശാല വൈസ് ചാന്‍സലറുടെ ചുമതല പ്രോ വൈസ് ചാന്‍സലറായ പ്രൊഫസര്‍ ഷീന ഷുക്കൂറിന് നല്‍കിക്കൊണ്ട് സര്‍ക്കാര്‍ ഉത്തരവിറക്കി. യോഗ്യത തിരുത്തല്‍ വിവാദത്തെ തുടര്‍ന്ന് വൈസ് ചാന്‍സലര്‍ എവി ജോര്‍ജിനെ ഗവര്‍ണര്‍ പുറത്താക്കിയ സാഹചര്യത്തിലാണിത്.
വൈസ് ചാന്‍സലര്‍ നിയമനത്തിനായുള്ള ബയോഡേറ്റയില്‍ തെറ്റായ വിവരങ്ങള്‍ നല്‍കുകയും ചട്ടവിരുദ്ധ പ്രവര്‍ത്തനങ്ങള്‍ നടത്തുകയും ചെയ്തു എന്ന അന്വേഷണ റിപ്പോര്‍ട്ടിന്‍റെ അടിസ്ഥാനത്തിലാണ് വൈസ് ചാന്‍സലര്‍ക്കെതിരായ നടപടി. അഡീഷണല്‍ ചീഫ് സെക്രട്ടറിയുടെയും ചീഫ് സെക്രട്ടറിയുടെയും റിപ്പോര്‍ട്ടുകള്‍ ഡോ.എ വി ജോര്‍ജിന് എതിരായിരുന്നു. മുഖ്യമന്ത്രി ഉമ്മന്‍‌ചാണ്ടിയുടെ നിലപാടും വൈസ് ചാന്‍സലര്‍ക്ക് എതിരായിരുന്നു.
