കാര്ഷിക നിമയമങ്ങള് പിന്വലിക്കാന് മകനെ പ്രേരിപ്പിക്കണമെന്നാവശ്യപ്പെട്ട് പ്രധാനമന്ത്രിയുടെ മാതാവിന് കര്ഷകന്റെ തുറന്ന കത്ത്
കാര്ഷിക നിമയമങ്ങള് പിന്വലിക്കാന് മകനെ പ്രേരിപ്പിക്കണമെന്നാവശ്യപ്പെട്ട് പ്രധാനമന്ത്രി നരേന്ദ്രമോദിയുടെ മാതാവായ ഹീരാബെന്നിന് കര്ഷകന്റെ തുറന്ന കത്ത്. പഞ്ചാബിലെ കര്ഷകനായ ഹര്പ്രീത് സിങ് എന്ന കര്ഷകനാണ് കത്തെഴുതിയത്. മാതാവെന്ന നിലയില് പ്രധാനമന്ത്രിയുടെ മനസുമാറ്റണമെന്നാണ് കത്തില് കര്ഷകന് ആവശ്യപ്പെടുന്നത്.
അമ്മയ്ക്കറിയാവുന്നതുപോലെ രാജ്യത്തിന്റെ അന്നദാതാക്കള് ഈ നിയമം മൂലം ദിവസങ്ങളായി റോഡുകളിലാണ് ഉറങ്ങുന്നത്. ഈ തണുപ്പില് 90വയസുപിന്നിട്ടവരും കുട്ടികളും സ്ത്രീകളും ഉണ്ട്. മോശം കാലാവസ്ഥമൂലം പലരും രോഗികളായിട്ടുണ്ട്. ഇതെല്ലാം ഞങ്ങളെ ആശങ്കയിലാക്കുന്നുണ്ടെന്നും കര്ഷകന് കത്തില് പറയുന്നു.
