കൊച്ചി|
സജിത്ത്|
Last Modified വെള്ളി, 6 മെയ് 2016 (10:31 IST)
പെരുമ്പാവൂരില്‍ ജിഷയുടെ മരണവുമായി ബന്ധപ്പെട്ടു രണ്ടു ബസ് ഡ്രൈവര്‍മാരെ പൊലീസ് കസ്റ്റഡിയിലെടുത്തു. ഇതില്‍ ഒരാള്‍ ജിഷയുടെ സമീപവാസിയാണ്‍.
പ്രദേശവാസികളെ കേന്ദ്രീകരിച്ചുള്ള അന്വേഷണം നടത്തുന്നതിന്റെ ഭാഗമായാണ് ഇവരെ പൊലീസ് കസ്റ്റഡിയിലെടുത്തത്. ഇതില്‍ ജിഷയുടെ അയല്‍വാസിയായ ഡ്രൈവറെ രണ്ടു ദിവസം മുമ്പ് കസ്റ്റഡിയിലെടുത്തിരുന്നു. ഇന്നലെ രാത്രിയാണ് ഇയാളുടെ സുഹൃത്തിനേയും പൊലീസ് കസ്റ്റഡിയിലെടുത്തത്.
ജിഷയുടെ മരണവുമായി ബന്ധപ്പെട്ട കാര്യങ്ങള്‍ ചോദിച്ചറിയാന്‍ പൊലീസ് തന്റെ മകനെ വിളിപ്പിച്ചെന്നും, എന്നാല്‍ ഏതു സ്റ്റേഷനിലേക്കാണു കൊണ്ടുപോയതെന്ന് തനിക്കറിയില്ലെന്നും ജിഷയുടെ അയല്‍വാസിയായ ഡ്രൈവറുടെ പിതാവ് വ്യക്തമാക്കി.
