തിരുവല്ല|
Last Updated:
വെള്ളി, 26 ഡിസം‌ബര്‍ 2014 (18:46 IST)
ഗെയ്‍ല്‍ ട്രെഡ്‍വെല്‍ കൈരളി ടെലിവിഷന്‍ ചാനലില്‍ മാതാ അമൃതാനന്ദമയിയെ കുറിച്ച് നടത്തിയ വിവാദ അഭിമുഖത്തെ ആസ്പദമാക്കി രചിച്ച "അമൃതാനന്ദമയീ മഠം: ഒരു സന്യാസിനിയുടെ വെളിപ്പെടുത്തലുകള്‍" എന്ന ബുക്കിന്‍റെ പ്രചാരണവും വില്‍പ്പനയും നിരോധിച്ചു കൊണ്ട് കോടതി ഉത്തരവിട്ടു. ഡി.സി ബുക്സ് പ്രസിദ്ധീകരിച്ച ഈ പുസ്തകത്തിന്‍റെ വില്‍പ്പന നിരോധിച്ചുകൊണ്ട് തിരുവല്ല സബ് കോടതി ജഡ്ജ് കെ.ലില്ലിയാണു ഉത്തരവായത്.
ഇരവിപേരൂര്‍ സ്വദേശി പ്രേം‍കുമാര്‍, പേരൂര്‍ സ്വദേശി ഡോ.ശ്രീജിത് കൃഷ്ണന്‍ എന്നിവര്‍ സമര്‍പ്പിച്ച സ്വകാര്യ അന്യായത്തിലാണ്‌ ഈ വിധി വന്നത്. ഈ പുസ്തകം നേരത്തേ തന്നെ താത്കാലികമായി നിരോധിക്കുകയും ഇരു ഭാഗത്തിന്‍റെയും വാദം കേട്ട് തീരുമാനിക്കാന്‍ തിരുവല്ല സബ് ജഡ്ജിനു നിര്‍ദ്ദേശം നല്‍കുകയും ചെയ്തിരുന്നു.
ഇതിന്‍റെ തുടര്‍ച്ചയെന്നോണമാണ്‌ ഇപ്പോഴത്തെ വിധി വന്നത്. വാദികള്‍ക്ക് വേണ്ടി അഡ്വ,വി.ശിവദാസ്, എസ്.അജിത് പ്രഭാവ് എന്നിവരാണു ഹാജരായത്.
