കിഴക്കന്‍ ചൈനയില്‍ ഉണ്ടായ മണ്ണിടിച്ചിലില്‍ മരിച്ച 25 പേരുടെ മൃതദേഹങ്ങള്‍ കണ്ടെത്തി. 12 പേരെ കാണാതായിട്ടുണ്ട്. കനത്ത മഴയെ തുടര്‍ന്നാണ് ചൈനയില്‍ മണ്ണിടിച്ചില്‍ ഉണ്ടായി വീടുകള്‍ തകര്‍ന്നത്.

ശക്തമായ മഴയെ തുടര്‍ന്നുണ്ടായ മണ്ണിടിച്ചിലില്‍ കല്ലും
മണ്ണും വീണ് മുപ്പതോളം വീടുകളാണ് തകര്‍ന്നത്. ലിദോങ്ങ് ഗ്രാമത്തിലാണ് ദുരന്തമുണ്ടായത്.

മഴയും മണ്ണിടിച്ചിലും തകര്‍ത്ത പ്രദേശത്ത് രക്ഷാപ്രവര്‍ത്തനം അടിയന്തരമായി തുടരുകയാണ്. മണ്ണിടിച്ചിലില്‍ ഭവനരഹിതരായ മുന്നൂറോളം പേരെ ദുരിതാശ്വാസ ക്യാമ്പുകളിലേക്ക് മാറ്റിയിട്ടുണ്ട്. രക്ഷാപ്രവര്‍ത്തനം പ്രദേശത്ത് കാര്യക്ഷമമായി നടക്കുന്നുണ്ട്.