Last Modified ബുധന്‍, 19 ജൂണ്‍ 2019 (16:48 IST)
വലിയ ആക്ഷന്‍ സിനിമകള്‍ ചെയ്യാന്‍ മമ്മൂട്ടിക്ക് ആവേശമാണ്. അത്തരം സിനിമകളില്‍ അസാധാരണമായ പ്രകടനങ്ങള്‍ കൊണ്ട് മെഗാസ്റ്റാര്‍ വിസ്മയിപ്പിക്കാറുമുണ്ട്. മധുരരാജയുടെ ക്ലൈമാക്സ് തന്നെ ഉദാഹരണം. ആ പ്രകടനം അടുത്തകാലത്തൊന്നും മറക്കാനാവില്ല.
മാമാങ്കം എന്ന സിനിമയാണ് മമ്മൂട്ടിയുടെ ഉടന്‍ പ്രദര്‍ശനത്തിന് തയ്യാറാകുന്ന ആക്ഷന്‍ ചിത്രം. അതില്‍ കൂടുതലും യുദ്ധരംഗങ്ങളാണ്. മമ്മൂട്ടിയുടെ കളരിപ്പയറ്റ് രംഗങ്ങള്‍ ത്രസിപ്പിക്കുന്നതായിരിക്കും എന്നാണ് റിപ്പോര്‍ട്ടുകള്‍.
“ഈ ചിത്രത്തില്‍ കളരിപ്പയറ്റാണ് ഉപയോഗിച്ചിരിക്കുന്നത്. ഇത്തരം രംഗങ്ങള്‍ അഭിനയിക്കാന്‍ ബുദ്ധിമുട്ടുള്ളതാണ്. പരുക്ക് പറ്റാന്‍ സാധ്യതയേറെയുണ്ട്. റിസ്കുണ്ട്, പക്ഷേ അങ്ങനെ ആലോചിച്ചാല്‍ ജീവിതം തന്നെ വലിയ റിസ്കല്ലേ?” - ഇങ്ങനെ ചിരിച്ച് ലഘുവാക്കിക്കളയും മാമാങ്കത്തിലെ ആക്ഷന്‍ രംഗങ്ങളെക്കുറിച്ച് മമ്മൂട്ടിയോട് ചോദിച്ചാല്‍.
ചരിത്ര സിനിമയാണ് മാമാങ്കം. ആ അര്‍ത്ഥത്തില്‍ നമ്മുടെ ചരിത്രത്തിനും പുതിയ തലമുറയ്ക്കുമിടയിലുള്ള ഒരു പാലമായി മാമാങ്കം മാറും. ഒരു അഭിനേതാവിന്‍റെ ധര്‍മ്മമാണ് ഇത്തരം സിനിമകളില്‍ അഭിനയിക്കുക എന്നുള്ളതെന്നും മമ്മൂട്ടി വിശ്വസിക്കുന്നു.
