ഐപിഎല്ലിൽ ദയനീയമായ പ്രകടനം തുടരുന്ന മുംബൈ നായകൻ രോഹിത് ശർമ മുംബൈ ഇന്ത്യൻസ് പ്ലേ ഓഫിലെത്തിയാൽ ഫോമിൽ തിരികെയെത്തുമെന്ന് മുൻ ഇന്ത്യൻ താരവും പരിശീലകനുമായ രവിശാസ്ത്രി. പ്ലേ ഓഫിലെ ഒരു മത്സരത്തിൽ മാൻ ഓഫ് ദ മാച്ചാകാൻ രോഹിത്തിന് സാധിക്കുമെന്നും രവിശാസ്ത്രി പറഞ്ഞു.

ടൂർണമെൻ്റിൽ തുടർച്ചയായ 5 ഇന്നിങ്ങ്സുകളിൽ താരത്തിന് രണ്ടക്കം കാണാനായിട്ടില്ല. ദയനീയമായ പ്രകടനം നടത്തുന്ന രോഹിത് ടീമിൽ നിന്നും മാറിനിൽക്കണമെന്ന തരത്തിൽ വിമർശനം ശക്തമാകുന്നതിനിടെയാണ് രോഹിത് ഉണരാൻ പോകുന്നുവെന്നും പ്ലേ ഓഫിന് ശേഷം എതിരാളികളെ അടിച്ചുപറത്തുമെന്നും ശാസ്ത്രി പറയുന്നത്. 2017ലും രോഹിത് സമാനമായ പ്രകടനമാണ് നടത്തിയിരുന്നതെന്നും ആ സീസണിൽ പക്ഷേ കപ്പടിച്ചത് മുംബൈ ആയിരുന്നുവെന്ന് ആരാധകരും പറയുന്നു.