അനുബന്ധ വാര്ത്തകള്
- Prithvi Shaw: 'ആര്ക്കാടാ ഫിറ്റ്നെസ് ഇല്ലാത്തത്' സയദ് മുഷ്താഖ് അലി ട്രോഫിയില് വെടിക്കെട്ട് ബാറ്റിങ്ങുമായി പൃഥ്വി ഷാ
- ആർസിബിക്ക് തെറ്റ് പറ്റിയിട്ടില്ല, ഭുവനേശ്വർ ഇപ്പോഴും തീ തന്നെ, സയ്യിദ് മുഷ്താഖ് ട്രോഫിയിൽ ഹാട്രിക്കുമായി വിളയാട്ടം
- Abhishek Sharma: അടിയെന്നാൽ അടിയുടെ അഭിഷേകം, 28 പന്തിൽ സെഞ്ചുറിയുമായി അഭിഷേക് ശർമ
- ഇത്ര കഴിവുള്ള ഒരാൾ നല്ലൊരു കരിയർ കളയരുത്, പൃഥ്വി ഷാ സോഷ്യൽ മീഡിയ വിട്ട് കളിക്കളത്തിൽ ശ്രദ്ധിക്കണം: പീറ്റേഴ്സൺ
- സച്ചിനും ദ്രാവിഡുമെല്ലാം നേരിട്ട് ഉപദേശിച്ചു, എന്നിട്ടും അവൻ നന്നായില്ല, അവരൊക്കെ മണ്ടന്മാരാണോ? പൊട്ടിത്തെറിച്ച് മുൻ സെലക്ടർ
ആരെയും ഇരുത്തി പഠിപ്പിക്കാനൊന്നുമാവില്ലല്ലോ, സ്വയം നന്നാവണമെന്ന തീരുമാനം വേണം, പൃഥ്വി ഷാ വിഷയത്തിൽ ഞെട്ടിക്കുന്ന പ്രതികരണവുമായി ശ്രേയസ് അയ്യർ
സയ്യിദ് മുഷ്താഖ് അലി ട്രോഫി വിജയിച്ചതിന് ശേഷം ടീമംഗമായ പൃഥ്വി ഷായെ പറ്റി പ്രതികരിച്ച് മുംബൈ നായകന് ശ്രേയസ് അയ്യര്. ടൂര്ണമെന്റില് 9 ഇന്നിങ്ങ്സുകളില് നിന്നും 197 റണ്സാണ് പൃഥ്വി ഷാ നേടിയത്. ഇതില് ഒരു 50+ സ്കോറും ഉള്പ്പെടുന്നു. പൃഥ്വി ഷാ തന്റെ ജോലിയോട് ആത്മാര്ഥത പുലര്ത്തുകയാണെങ്കില് കൂടുതല് ഉയരത്തിലെത്തുമെന്നാണ് ശ്രേയസ് പറയുന്നത്.
പുറത്ത് നിന്നും പ്രേരണയുടെ ആവശ്യമില്ല. ഒരു കളിക്കാരന് തിരിച്ചുവരണമെന്ന തോന്നല് ആദ്യം ഉണ്ടാകേണ്ടത് അവന്റെ ഉള്ളില് നിന്നാണ്. ദൈവം അനുഗ്രഹിച്ച ഒരു കളിക്കാരനാണവന്. അത്രയും പ്രതിഭയുള്ള താരം. അവന് പക്ഷേ അവന്റെ തൊഴിലിനോട് കൂടുതല് ആത്മാര്ഥത പുലര്ത്തണം. അവന് അങ്ങനെ ചെയ്യുകയാണെങ്കില് ഇനിയും ഉയരങ്ങള് കീഴടക്കാന് അവനാകും. നമുക്ക് ഒരു കുഞ്ഞിനെ നോക്കുന്നത് പോലെ ആരെയും നോക്കാനാവില്ല. അവന് ക്രിക്കറ്റ് ഒരുപാട് കളിച്ചിട്ടുള്ള താരമാണ്. ആത്യന്തികമായി അവന്റെ ജോലി ചെയ്യേണ്ടത് അവന് മാത്രമാണ്. അവന് കൂടുതല് ശ്രദ്ധ വെയ്ക്കുകയും പ്രഡ്നങ്ങള് പരിഹരിക്കുകയും കഴിവുകള് മെച്ചപ്പെടുത്തുകയും വേണം. മറ്റാര്ക്കും തന്നെ ബലം പ്രയോഗിച്ച് അതൊന്നും ചെയ്യാനാകില്ല. ശ്രേയസ് അയ്യര് പറഞ്ഞു.
