കെ ആര്‍ അനൂപ്|
Last Modified ചൊവ്വ, 5 ഡിസം‌ബര്‍ 2023 (13:09 IST)
സ്‌നേഹംകൊണ്ട് പൊതിയുന്ന മുത്തശ്ശിയെ കുറിച്ചുള്ള നല്ല ഓര്‍മ്മ പറയാനുണ്ട് നടി നവ്യ നായര്‍ക്കും. കുട്ടിക്കാലത്തെ തന്റെ ആഗ്രഹങ്ങളെല്ലാം നടത്തി തരാറുള്ള മുത്തശ്ശിക്ക് ഇനി അതെല്ലാം തിരികെ നല്‍കാനുള്ള സമയമാണ് നടിക്ക്.
അന്ന് കളിപ്പിച്ചു ചിരിപ്പിച്ചു ഒപ്പം നടന്ന നവ്യയുടെ മുത്തശ്ശി ഇന്ന് വീല്‍ചെയറിലാണ്. നവ്യ അമ്മയ്ക്കും മകനും ഒപ്പം മുത്തശ്ശിയേയും കൂട്ടി ഷെഫ് പിള്ളയുടെ റെസ്റ്റോറന്റില്‍ രുചികരമായ ഭക്ഷണം മുത്തശ്ശിക്ക് വാങ്ങി കൊടുക്കുക എന്നതായിരുന്നു ലക്ഷ്യം.
കുഞ്ഞുനാളില്‍ ആഗ്രഹിക്കുന്നതൊക്കെ എനിക്ക് വാങ്ങി തന്ന അമ്മൂമ്മ.. ആദ്യത്തെ ടൈറ്റാന്‍ വാച്ച്, അത് അമ്മമ്മേടെ വക ആരുന്നു .. ഇഷ്ടപെട്ട് കഴിച്ച ഫോറിന്‍ മിഠായികള്‍ , ഫോറിന്‍ ഉടുപ്പുകള്‍ , ഫോറിന്‍ മണങ്ങള്‍ അങ്ങനെ എന്തെല്ലാം.
ഒന്നിനും പകരം വെയ്ക്കാനാവില്ല എന്നാലും അവര് സന്തോഷിക്കുമ്പോ ഉള്ളിലൊരു സമാധാനം.. ദൈവത്തിനോട് പ്രാപ്തി തന്നതിന് തീര്‍ത്താല്‍ തീരാത്ത നന്ദിയും...ഒരു കുഞ്ഞിനെ പോലെ ഡ്രെസ്സില്‍ വീഴാതിരിക്കാന്‍ നാപ്കിന്‍ കഴുത്തിലിട്ടപ്പോള്‍ നമ്മളും ഒരു ദിവസം ... ഓര്‍ത്തുപോയി...ഇഷ്ടമുള്ളിടത്തൊക്കെ യാത്ര പോകൂ.. ഒരിക്കല്‍ ഈ ഓട്ടം ഒക്കെ കഴിഞ്ഞു പണമൊക്കെ ആയി കഴിയുമ്പോ ചിലപ്പോ നമുക്ക് ആരോഗ്യം ഉണ്ടായിന്നുവരില്ല, അല്ലേ...' നവ്യ കുറിച്ചു
