'പാപ്പന്‍' എന്ന ചിത്രത്തിന്റെ ചിത്രീകരണ തിരക്കിലാണ് കനിഹ. ഇത്തവണത്തെ വിഷു സുരേഷ് ഗോപിയോടൊപ്പം പാപ്പന്‍ സെറ്റില്‍ ആഘോഷിക്കാന്‍ ആയതിന്റെ സന്തോഷത്തിലാണ് നടി. സുരേഷ് ഗോപി നിന്ന് വിഷുക്കൈനീട്ടവും നടി സ്വീകരിച്ചു. അദ്ദേഹത്തിന്റെ സ്‌നേഹത്തിന് കനിഹ നന്ദിയും പറഞ്ഞു.

അതേസമയം, കനിഹ മാലിദ്വീപില്‍ കുടുംബത്തോടൊപ്പം അവധി ആഘോഷിക്കുകയായിരുന്നു. ഒരാഴ്ചയോളം അവിടെ ചിലവഴിച്ച താരം തിരിച്ചെത്തി ഈമാസം പാപ്പന്‍ സെറ്റുകളില്‍ ചേരുകയായിരുന്നു. ക്രിസ്ത്യന്‍ ബ്രദേഴ്‌സിന് ശേഷം ജോഷിയ്‌ക്കൊപ്പം കനിഹയും ഒന്നിക്കുന്നു എന്ന പ്രത്യേകതകൂടിയുണ്ട് ഈ ചിത്രത്തിന്.സുരേഷ് ഗോപിയുടെ ഭാര്യയായി നൈല ഉഷ വേഷമിടുന്നു. ചിത്രത്തില്‍ ഗോകുല്‍ സുരേഷും ശ്രദ്ധേയമായ വേഷത്തില്‍ എത്തുന്നുണ്ട്.ഈ ചിത്രം ഒരു ക്രൈം ത്രില്ലര്‍ ആണെന്നാണ് വിവരം.