പറഞ്ഞത് കൂടുതലല്ല, കേരളം പോലെ കുടിച്ച് അഴിഞ്ഞാടുന്നവർ വേറെയില്ലെന്ന് ജയമോഹൻ
Jeyamohan
ജയമോഹന്റെ പ്രതികരണത്തിനെതിരെ സംവിധായകന് ബി ഉണ്ണികൃഷ്ണനും ഇടത് നേതാവായ എം എ ബേബിയും അടക്കം നിരവധി പേരാണ് രംഗത്ത് വന്നത്. തന്റെ പ്രതികരണത്തിനെതിരെ ഇത്രയും വിമര്ശനങ്ങള് വരുമ്പോഴും പറഞ്ഞതില് മാറ്റമില്ലെന്നാണ് ജയമോഹന് പറയുന്നത്. മാതൃഭൂമി ഡോട്ട് കോമിന് നല്കിയ അഭിമുഖത്തിലാണ് ജയമോഹന്റെ പ്രതികരണം. കേരളം പോലെ കുടിച്ചഴിഞ്ഞാടുന്ന മറ്റൊരു സംസ്ഥാനം ഇന്ത്യയിലില്ലെന്ന് ജയമോഹന് പറയുന്നു.
വൈകുന്നേരങ്ങളില് കേരളത്തിലൂടെ യാത്ര ചെയ്താല് ഇത് കാണാവുന്നതാണ്. ഇത് ആരെങ്കിലും ചൂണ്ടികാണിച്ചല് ചാടികടിക്കാന് വരുന്നതാണ് കേരളത്തിന്റെ പൊതുസ്വഭാവം. ഈ കുടി ഭ്രാന്ത് ഉണ്ടാക്കുന്നതില് ബുദ്ധിജീവികളുടെ പങ്കും എനിക്കറിയാം. മദ്യപിച്ച ശേഷം വനത്തിനുള്ളില് കയറി കുപ്പി അടിച്ചുടയ്ക്കുകയും വനത്ത് കുപ്പിച്ചില്ലുകള് നിറയ്ക്കുകയും ചെയ്യുന്ന തോന്ന്യാസത്തിനെതിരെയാണ് ഞാന് പ്രതികരിച്ചത്. ആ സ്വഭാവം മറ്റേതെങ്കിലും സംസ്ഥാനങ്ങളിലുണ്ടോ. മദ്യത്തിന്റെ കൂത്താട്ടമാണ് യുവത്വം എന്ന് വരുത്തിതീര്ക്കാനുള്ള ഒരു ട്രെന്ഡ് സെറ്ററെന്ന പോലെയാണ് സിനിമകള് ഇപ്പോള് വരുന്നതെന്നും ജയമോഹന് പറയുന്നു.
