വിജയ് നായകനായെത്തുന്ന ലോകേഷ് കനകരാജ് ചിത്രം ലിയോയിലെ ഗാനത്തിനെതിരെ പരാതി. വിജയുടെ പിറന്നാള്‍ ദിനത്തില്‍ ഇറങ്ങിയ നാ റെഡി എന്ന ഗാനം മയക്കുമരുന്ന് കടത്തിനെ പ്രോത്സാഹിപ്പിക്കുന്നുവെന്ന് കാട്ടി കൊരുക്കുപ്പേട്ട സ്വദേശി സെല്‍വമാണ് പോലീസില്‍ പരാതി നല്‍കിയത്.

അനിരുദ്ധ രവിചന്ദ്ര സംഗീതം നല്‍കിയ ഗാനം സോണി മ്യൂസിക് സൗത്തിന്റെ യൂട്യൂബ് ചാനലിലാണ് പുറത്ത് വന്നത്. രണ്ടായിരത്തോളം നര്‍ത്തകര്‍ക്കൊപ്പമാണ് പാട്ടില്‍ വിജയ് നൃത്തം ചെയ്യുന്നത്. അതേസമയം വലിയ ആകാംക്ഷയോടെയാണ് തെന്നിന്ത്യയാകെ ചിത്രത്തിനായി കാത്തിരിക്കുന്നത്. വിക്രം എന്ന ബമ്പര്‍ ഹിറ്റ് ചിത്രത്തിന് ശേഷം ലോകേഷ് സംവിധാനം ചെയ്യുന്ന സിനിമ ലോകേഷ് സിനിമാറ്റിക് യൂണിവേഴ്‌സിന്റെ കൂടെ ഭാഗമാണോ എന്നറിയാനുള്ള കാത്തിരിപ്പിലാണ് ആരാധകര്‍.