ബെന്സി മരണത്തിന് കീഴടങ്ങി. എച്ച് ഐ വി ബാധിതരായ ബെന്സണ് - ബെന്സി സഹോദരങ്ങളില് ബെന്സി(14) തിരുവനന്തപുരം എസ് എ ടി ആശുപത്രിയില് മരിച്ചു. വ്യാഴാഴ്ച ഉച്ചതിരിഞ്ഞ് മൂന്നുമണിയോടെയായിരുന്നു അന്ത്യം.
കൊല്ലം ആദിച്ചനല്ലൂര് പഞ്ചായത്ത് ഹൈസ്കൂളിലെ എട്ടാം ക്ലാസ് വിദ്യാര്ത്ഥിനിയായ ബെന്സിയെ ഒരാഴ്ച മുമ്പാണ് ആശുപത്രിയില് പ്രവേശിപ്പിച്ചത്. ഇന്ന് ഉച്ചയോടെ നില വഷളാവുകയും മരണം സംഭവിക്കുകയുമായിരുന്നു.
എച്ച് ഐ വി ബാധയെ തുടര്ന്ന് ബെന്സിയുടെ പിതാവ് സി കെ ചാണ്ടി 1997ലും മാതാവ് പ്രിന്സി 2000ലും മരിച്ചിരുന്നു. മുത്തശ്ശിയുടെ സംരക്ഷണത്തിലായിരുന്നു പിന്നീട് ബെന്സണും ബെന്സിയും.
2003 മുതല് ബെന്സണും ബെന്സിയും എസ് എ ടി ആശുപത്രിയില് ചികിത്സയിലാണ്. ആരോഗ്യവകുപ്പിന്റെ വാഹനത്തിലായിരുന്നു ഇവരെ ആശുപത്രിയിലെത്തിച്ചിരുന്നത്. ഹിന്ദുസ്ഥാന് ലാറ്റക്സ് 2004 മുതല് കുട്ടികള്ക്കായി മാസം 5000 രൂപയുടെ പോഷകാഹാരം നല്കുന്നുണ്ടായിരുന്നു. മരുന്ന് സര്ക്കാര് സൌജന്യമായാണ് നല്കിയിരുന്നത്. കൊല്ലം കലക്ടര് ഇടപെട്ട് കുട്ടികളെ നോക്കാന് ഒരു ഹോംനേഴ്സിനെ ഏര്പ്പെടുത്തിയിരുന്നു.
ബെന്സിയുടെ ശരീരഭാരം കുറച്ചുനാളായി കുറഞ്ഞുവരികയായിരുന്നു. ബെന്സിയുടെ സഹോദരന് ബെന്സണും എച്ച് ഐ വി ബാധിതനാണെങ്കിലും ഇപ്പോള് ആരോഗ്യവാനാണ്.