മത്തങ്ങ ഇഷ്ടമില്ലാത്തവർ കുറവായിരിക്കും. മത്തങ്ങ ആരോഗ്യ സമ്പുഷ്ടമായ ഒരു വിഭവമാണ്. ഏറ്റവും എളുപ്പത്തിനു മത്തങ്ങ എരിശേരി ഉണ്ടാക്കുന്നത് എങ്ങനെയെന്ന് നോക്കാം.

ചേരുവകള്‍:

മത്തങ്ങ - 250ഗ്രാം

തേങ്ങ - 2കപ്പ്

വെളുത്തുള്ളി - 5 അല്ലി

മുളകുപൊടി - 2 ടീസ്പൂണ്‍

മഞ്ഞള്‍പ്പൊടി - 2 ടീസ്പൂണ്‍

കുരുമുളകുപൊടി‌ - 1/4 ടീസ്പൂണ്‍

ചുവന്ന മുളക് - 2

കടുക് - 1/2 ടീസൂണ്‍

ജീരകം - 1/2 ടീസ്പൂണ്‍

കറിവേപ്പില -

ഉപ്പ് - പാകത്തിന്

വെളിച്ചെണ്ണ - 2 ടീസ്പൂണ്‍

പാകം ചെയ്യുന്ന വിധം:

കഷണങ്ങളാ‍ക്കിയ മത്തങ്ങ അല്പം മഞ്ഞള്‍പ്പൊടി ചേര്‍ത്ത് വേവിക്കുക. തേങ്ങ മുളകുപൊടി, മഞ്ഞള്‍പ്പൊടി, വെളുത്തുള്ളി, ജീരകം, കുരുമുളകുപൊടി എന്നിവ ചേര്‍ത്ത് നന്നായി അരയ്ക്കുക. അരച്ച മിശ്രിതവും ഉപ്പും കറിവേപ്പിലയും വേവിച്ചുവച്ചിരിക്കുന്ന ചേരുവയിലേക്കിട്ട് നന്നായി ഇളക്കുക. വെളിച്ചെണ്ണയില്‍ കടുക് വറുത്ത് ചുവന്ന മുളകും ചേര്‍ത്ത് കറിയിലേക്കൊഴിക്കുക. (കുറിപ്പ് - വെള്ളം കൂടിപ്പോകാതെ ശ്രദ്ധിക്കണം)