സജിത്ത്|
Last Updated:
തിങ്കള്‍, 31 ഒക്‌ടോബര്‍ 2016 (12:39 IST)
വോള്‍വോയുടെ പുതിയ ലക്ഷ്വറി സെഡാന്‍ എസ് 90 പുറത്തിറങ്ങുന്നു. എസ് പി എ പ്ലാറ്റ്‌ഫോമില്‍ വോള്‍വോ അവതരിപ്പിക്കുന്ന ആദ്യ വാഹനം എന്ന പ്രത്യേകതയോടെയാണ് എസ് 90 വിപണിയിലെത്തുക. കാറിന്റെ വിലയെക്കുറിച്ചുള്ള വിവരങ്ങള്‍ ഒന്നും പുറത്ത് വന്നിട്ടില്ലെങ്കിലും എകദേശം 55 - 60 ലക്ഷത്തിനിടയിലാകും വില എന്നാണ് റിപ്പോര്‍ട്ടുകള്‍.
![VOLVO, <a class=]()
VOLVO S90 വോള്‍വോ, വോള്‍വോ എസ് 90" class="imgCont" src="//media.webdunia.com/_media/ml/img/article/2016-10/31/full/1477897668-8087.jpg" style="border: 1px solid rgb(221, 221, 221); margin-right: 0px; z-index: 0; width: 500px; height: 331px;" title="" />
ഡി 4 എന്ന ഡീസല്‍ എഞ്ചിനില്‍ മാത്രമായിരിക്കും ആദ്യ ഘട്ടത്തില്‍ വാഹനമെത്തുക. ക്രോം നിറത്തില്‍ ഒരുക്കിയ ഫ്രണ്ട് ഗ്രില്‍ ഡിസൈന്‍, വൈഡ് എയര്‍ഡാം, സ്‌റ്റൈലിഷ് എല്‍ഇഡി ഡേ ടൈം റണ്ണിംങ് ലൈറ്റ്, ചെറിയ എല്‍ഇഡി ഫോക് ലാംപ് എന്നിങ്ങനെയുള്ള ആകര്‍ഷകമായ സവിശേഷതകള്‍ ഈ വാഹനത്തിന്റെ ഭംഗി വര്‍ധിപ്പിക്കുന്നു.
ഇലക്ട്രിക്കല്‍ അഡ്ജസ്റ്റബിള്‍ സീറ്റുകളാണ് കാറിന്റെ മറ്റൊരു പ്രത്യേകത. ത്രീ സ്‌പോക്ക് മള്‍ട്ടി ഫങ്ഷണല്‍ സ്റ്റിയറിങ് വീല്‍, വലുപ്പമേറിയ ഒന്‍പത് ഇഞ്ച് ടച്ച് സ്‌ക്രീന്‍ ഇന്‍ഫോടെന്‍മെന്റ് സിസ്റ്റം, മികച്ച നിലവാരം പുലര്‍ത്തുന്ന 19 സ്പീക്കര്‍ സൗണ്ട് സിസ്റ്റം, ക്ലൈമറ്റ് കണ്‍ട്രോള്‍ സിസ്റ്റം, നാവിഗേഷന്‍ സിസ്റ്റം എന്നിവയാണ് ഉള്‍വശത്തിന്റെ മാറ്റുകൂട്ടുന്നത്.
എ ബി എസ്, എയര്‍ബാഗ്, എമര്‍ജന്‍സി ബ്രേക്ക് അസിസ്റ്റ്, പാര്‍ക്ക് അസിസ്റ്റ്, ലൈന്‍ കീപ്പ് അസിസ്റ്റ് എന്നിങ്ങനെയുള്ള സുരക്ഷ സൗകര്യങ്ങളും എസ് 90യില്‍ ഒരുക്കിയിട്ടുണ്ട്. എട്ട് സ്പീഡ് ഓട്ടോമാറ്റിക് ട്രാന്‍സ്മിഷനാണ് വാഹനത്തിനുള്ളത്. 2.0 ലിറ്റര്‍ ഫോര്‍ സിലിണ്ടര്‍ ഡി4 എഞ്ചിന്‍ 190 ബിഎച്ച്പി കരുത്തും 400 എന്‍എം ടോര്‍ക്കുമാണ് സൃഷ്ടിക്കുക.
