ഗുജറാത്ത് ഇഫക്ട്: ഓഹരിവിപണിയില്‍ തകര്‍ച്ചയില്‍ നിന്ന് കരകയറി

മുംബൈ, തിങ്കള്‍, 18 ഡിസം‌ബര്‍ 2017 (12:16 IST)

GujaratVerdict, ElectionResults,GujaratResults, GujaratElection2017, ബിസിനസ്, ഗുജറാത്ത്, ഓഹരിവിപണി, സെന്‍സെക്സ്, ബി എസ് ഇ, എന്‍ എസ് ഇ, നിഫ്റ്റി

ഗുജറാത്ത് തെരഞ്ഞെടുപ്പു ഫലത്തിന്‍റെ ലീഡ് നിലയെക്കുറിച്ചുള്ള വാര്‍ത്തകള്‍ സെന്‍സെക്സിലും കനത്ത ചലനമുണ്ടാക്കിയിരുന്നു. സെന്‍സെക്സ് 850 പോയിന്‍റിന്‍റെ തകര്‍ച്ചയാണ് ആ സമയത്ത് രേഖപ്പെടുത്തിയത്. എന്നാല്‍ പിന്നീട് ഓഹരിവിപണി തിരിച്ചുകയറിയിരിക്കുകയാണ്. 
 
നിഫ്റ്റിയിലും ഇടിവുണ്ടായി. എന്‍ എസ് ഇയില്‍ 200 പോയിന്‍റ് തകര്‍ച്ചയാണ് അനുഭവപ്പെട്ടത്. എന്തായാലും ഗുജറാത്തില്‍ ബി ജെ പി അധികാരത്തില്‍ തുടരുമെന്ന് ഉറപ്പായതോടെ സെന്‍സെക്സിലും നിഫ്റ്റിയിലും വീണ്ടും ഉണര്‍വ്വുണ്ടായി. 
 
കഴിഞ്ഞ വാരം വ്യാപാരം അവസാനിച്ചപ്പോള്‍ സെന്‍സെക്‌സ് 33,462.97 പോയിന്‍റും നിഫ്‌റ്റി 10,333.25 പോയിന്‍റുമാണ് രേഖപ്പെടുത്തിയിരുന്നത്. ഗുജറാത്ത് തെരഞ്ഞെടുപ്പിന്‍റെ ഫലപ്രഖ്യാപനം വന്നുകൊണ്ടിരിക്കുമ്പോള്‍ ബി ജെ പിക്ക് തിരിച്ചടിയുണ്ടാകുന്നു എന്ന തോന്നലാണ് ആദ്യത്തെ തകര്‍ച്ചയ്ക്ക് കാരണമായി വിലയിരുത്തപ്പെടുന്നത്. 
 
മുംബൈ: ഗുജറാത്ത് തിരഞ്ഞെടുപ്പു ഫലത്തിന്റെ ആദ്യ സൂചനകളില്‍ കോണ്‍ഗ്രസ് നേട്ടം കൊയ്തതിനെത്തുടര്‍ന്ന് ഇടിഞ്ഞ ഓഹരി വിപണിയില്‍ ബിജെപിയുടെ തിരിച്ചുവരവോടെ നേട്ടം. 850 പോയിന്റ് വരെ ഇടിഞ്ഞ സെന്‍സെക്സ് ഇപ്പോള്‍ തിരിച്ചുവരവിന്റെ പാതയിലാണ്. രാവിലെ ഒന്‍പതരയോടെയായിരുന്നു ബിഎസ്ഇ സെന്‍സെക്സ് 850 പോയിന്റ് കുറ‍ഞ്ഞത്. നിഫ്റ്റി 200 പോയിന്റും കുറഞ്ഞിരുന്നു. ഗുജറാത്തില്‍ ബിജെപിയുടെ ലീഡ് നില 100 തൊട്ടപ്പോള്‍ സെന്‍സെക്സും നിഫ്റ്റിയും കരകയറി. ഇരു പാര്‍ട്ടികളും തമ്മില്‍ രണ്ടു സീറ്റിന്റെ വരെ വ്യത്യാസം വന്നതാണ് ഓഹരി വിപണിയെ ഭീതിയിലാഴ്ത്തിയത്. 
 
തെരഞ്ഞെടുപ്പു ഫലം രൂപയുടെ മൂല്യത്തെയും ബാധിച്ചു. ഡോളറുമായുള്ള വിനിമയത്തില്‍ രൂപയുടെ മൂല്യം 64.72ല്‍ എത്തിയിരിക്കുകയാണ്. 



ഇതിനെക്കുറിച്ച് കൂടുതല്‍ വായിക്കുക :  

ധനകാര്യം

news

സ്മാര്‍ട്ട്ഫോണ്‍ വിപണിയില്‍ നിറഞ്ഞാടാന്‍ അതുഗ്രന്‍ ഫീച്ചറുകളുമയി എല്‍ജി V30പ്ലസ് !

എല്‍ജി V30യുടെ പുതിയ വേരിയന്റ് എല്‍ജി V30പ്ലസ് അവതരിപ്പിച്ചു. 128ജിബി ഇന്റേണല്‍ ...

news

ഗുജറാത്ത് ഇഫക്‍ട്: ഓഹരിവിപണിയില്‍ തകര്‍ച്ച

ഗുജറാത്ത് തെരഞ്ഞെടുപ്പു ഫലത്തിന്‍റെ ലീഡ് നിലയെക്കുറിച്ചുള്ള വാര്‍ത്തകള്‍ സെന്‍സെക്സിലും ...

news

ഹോണ്ട സി ആര്‍ വിക്ക് മറുപടിയുമായി മിത്സുബിഷി; പുതിയ ഔട്ട്‌ലാന്‍ഡര്‍ വിപണിയിലേക്ക്

പുതിയ ഔട്ട്‌ലാന്‍ഡര്‍ ക്രോസ്ഓവറുമായി ജാപ്പനീസ് നിര്‍മ്മാതാക്കളായ മിത്സുബിഷി ...

news

പോക്കറ്റിലൊതുങ്ങുന്ന വിലയും അത്യുഗ്രന്‍ ഫീച്ചറുകളുമായി പാനസോണിക് എലുഗ ഐ 9

പാനസോണിക്കിന്റെ ഏറ്റവും പുതിയ സ്മാര്‍ട്ട്ഫോണ്‍ എലുഗ ഐ 9 പുറത്തിറക്കി. ആന്‍ഡ്രോയിഡ് 7.0 ...

Widgets Magazine