നെയ്‌മറും മെസിയും പണി തുടങ്ങിയപ്പോല്‍ തായ്‌ലാന്‍ഡിനെതിരെ ബാഴ്സയ്ക്ക് ഗോളോട് ഗോള്‍. തായ്‌ലാന്‍ഡിനെതിരെയുള്ള സൗഹൃദ മത്സരത്തില്‍ ബാഴ്സയ്ക്ക് ഒന്നിനെതിരെ ഏഴ് ഗോളുകളുടെ വിജയം.
ബാഴ്സയ്ക്ക് നെയ്മര് ഒരു ഗോളും മെസി രണ്ട് ഗോളും പെഡ്രോ മൂന്നു ഗോളുകളും നേടി. അവശേഷിച്ച ഗോള്‍ അലക‌്സിസ് സാഞ്ചസും നേടി. പതിമൂന്നാം മിനിട്ടിലാണ് നെയ്മര് ബാഴ്സലോണയ്ക്ക് വേണ്ടി കളിയിലെയും കരിയറിലെയും തന്റെ ആദ്യ ഗോള്‍ നേടിയത്.
മെസി സ്കോര്‍ ചെയ്തത് 15, 25 മിനിട്ടുകളിലായിരുന്നു . 19, 35, 48 മിനിട്ടുകളിലായി പെഡ്രോ ഹാട്രിക് തികച്ചു. 49-ാം മിനിട്ടിലായിരുന്നു സാഞ്ചസിന്റെ ഗോള്‍. 43-ാം മിനിട്ടില്‍ ഒരു പെനാല്‍റ്റികിക്കിലൂടെ തായ്‌ലാന്‍ഡിന്റെ തീരാസില്‍ ദാംഗ ഗോള്‍ നേടിയത് അവര്‍ക്ക് അശ്വാസമായി.
