ചീത്ത സമ്പാദ്യവുമായി ഒരാള്‍ ഹജ്ജിനു പുറപ്പെടുകയും വാഹനത്തില്‍ കയറി വിളിക്കുകയും ചെയ്താല്‍ ആകാശത്തു നിന്നുള്ള മാലാഖ പറയും 'നിന്‍റെ വിളിക്കുത്തരമില്ല! അല്ലാഹുവിന്‍റെ അനുഗ്രഹം നിന്നെ തഴു കുകയില്ല! നിന്‍റെ സമ്പാദ്യം ഹറാമാണ്, ചീത്തയാണ്! നിന്‍റെ വഴികളും ചീത്ത തന്നെ! അതിനാല്‍ തന്നെ നിന്‍റെ ഹജ്ജ് സ്വീകര്യമല്ല.'
അന്യരുടെ സമ്പത്തിനോടു താല്‍പ്പര്യം കാണിക്കുകയും അവരോട്‌ യാചിക്കുകയും ചെയ്യുന്നത്‌ ഹാജിക്ക്‌ ഭൂഷണമല്ല. നബി (സ) ഒരിക്കല്‍ പറയുകയുണ്ടായി: ‘ഒരാള്‍ മാന്യത പാലിച്ചാല്‍ അല്ലാഹു അവന്‍റെ മാന്യത നിലനിര്‍ത്തും, ഒരാള്‍ സ്വാശ്രയത്വം കൈകൊണ്ടാല്‍ അല്ലാഹു അവനെ നിരാശ്രയ നാക്കും.'
നബി (സ) വീണ്ടും പറഞ്ഞു: ‘ഒരാള്‍ യാചിച്ചു യാചിച്ചു കാലം കഴിച്ച്‌ ഒടുവില്‍ അന്ത്യനാളിലെത്തുമ്പോള്‍ അവന്‍റെ മുഖത്ത്‌ ഒരു തുണ്ട്‌ പോലും മാംസമുണ്ടായിരിക്കുകയില്ല.'
