പോണ്‍ സിനിമകളിലാണ് അഭിനയമെന്നറിഞ്ഞതോടെ ബന്ധുക്കള്‍ തന്നോട് അകലം പാലിച്ചുവെന്ന് ബോളിവുഡ് താരം സണ്ണി ലിയോണ്‍. ഇന്ത്യയിലുള്ള ബന്ധുക്കളാണ് എന്റെ കുടുംബവുമായി അടുപ്പം ഉപേക്ഷിച്ചത്. ചെയ്യുന്ന ജോലി തെറ്റായതല്ലെ എന്ന പൂര്‍ണ്ണ വിശ്വാസം തനിക്കുണ്ടെന്നും സണ്ണി വ്യക്തമാക്കി.

പഠനം പൂര്‍ത്തിയാക്കിയശേഷം പലയിടങ്ങളിലായി പല ജോലികളും ചെയ്‌തു. ആ സമയത്താണ് അഡള്‍ട്ട് സിനിമകളില്‍ അഭിനയിച്ചത്. അന്ന് എനിക്ക് പത്തൊമ്പത് വയസാണ് ഉണ്ടായിരുന്നത്. പുതിയ ജോലിയെക്കുറിച്ച് മാതാപിതാക്കള്‍ക്ക് അറിയില്ലായിരുന്നുവെന്നും സണ്ണി പറയുന്നു.

പ്രൊഫഷന്റ് ഭാഗമായി സണ്ണി ലിയോണ്‍ എന്ന പേര് സ്വീകരിച്ചതും ആ സമയത്താണ്. 2001 മാര്‍ച്ചില്‍ അമേരിക്കയിലെ മുതിര്‍ന്ന യുവാക്കളുടെ മാസികയായ പെന്റ് ഹൌസിന്റെ മുഖചിത്രമായി എന്നെ തെരഞ്ഞെടുത്തതോടെ രഹസ്യം പുറത്തായി. വീട്ടിലും കുടുംബത്തിലും തന്റെ ജോലി എന്താണെന്ന് എല്ലാവരും മനസിലാക്കി. ബന്ധുക്കള്‍ ബന്ധം ഉപേക്ഷിച്ചപ്പോള്‍ അച്ഛനും അമ്മയും പിന്നീട് തനിക്കൊപ്പം നിന്നുവെന്നും ബോളിവുഡ് സുന്ദരി വ്യക്തമാക്കുന്നു.

ബന്ധുക്കള്‍ എല്ലാവരും അകലം പാലിച്ചപ്പോള്‍ അന്ന് എന്നോടും കുടുംബത്തോടും അടുപ്പം കാണിച്ചത് ഡാനിയല്‍ വീബ്ബറാണ്. 2011ല്‍ ഡാനിയലിനെ വിവാഹം ചെയ്‌ത ശേഷം അദ്ദേഹം എന്നും എനിക്കൊപ്പമുണ്ടായിരുന്നുവെന്നും സണ്ണി പറഞ്ഞു.