പാർലമെന്റിൽ എത്തുന്ന മുഴുവൻ എം പിമാരേയും ലഹരി പരിശോധനയ്ക്ക് വിധേയരാക്കണമെന്ന് ആം ആദ്മി പാർട്ടി. ആം ആദ്മി പാർട്ടി എം പി ഭഗവത് മൻ മദ്യപിച്ചാണ് പാർലമെന്റിൽ എത്തുന്നതെന്ന് ആരോപണങ്ങൾ ഉണ്ടായിരുന്നു. ഇതിന്റെ പശ്ചാത്തലത്തിലാണ് പാർട്ടി ഈ ആവശ്യം മുന്നോട്ട് വെച്ചത്. എ എ പി നേതാക്കളായ അശുതോഷ്, സഞ്ജയ് സിംഗ് എന്നിവരാണ് ഇക്കാര്യം മാധ്യമപ്രവർത്തകരോട് വ്യക്തമാക്കിയത്.

ഭഗവ്ത് മൻ മദ്യലഹരിയിൽ പാർലമെന്റിൽ എത്തിയിട്ടുണ്ടെങ്കിൽ അദ്ദേഹത്തിനെതിരെ നടപടി സ്വീകരിക്കം. എന്നാൽ അത് എല്ലാ എം പിമാർക്കും ബാധകമാണ്. മദ്യപിച്ചാണോ എല്ലാ എം പിമാരും പാർലമെന്റിൽ എത്തുന്നതെന്ന് പരിശോധിക്കണം. ഇതിനായി പാർലമെന്റ് കവാടത്തിൽ ബ്രീത്ത് അനലൈസർ സ്ഥാപിക്കണമെന്നും പാർട്ടി ആവശ്യപ്പെട്ടു.