ന്യൂഡല്‍ഹി|
Last Modified വ്യാഴം, 16 ഒക്‌ടോബര്‍ 2014 (09:29 IST)
സിഗരറ്റ് പാക്കറ്റിന്‍റെ 85 ശതമാനം ഭാഗത്തും ആരോഗ്യ മുന്നറിയിപ്പുകള്‍ നല്‍കണമെന്ന് കേന്ദ്ര ആരോഗ്യമന്ത്രാലയം. പുകയില കമ്പനികള്‍ക്ക്‌ ഇത് സംബന്ധിച്ചുള്ള വിജ്‌ഞാപനം പുറപ്പെടുവിച്ചതായി കേന്ദ്ര ആരോഗ്യമന്ത്രി ഹര്‍ഷവര്‍ധന്‍ വ്യക്‌തമാക്കി.
സിഗരറ്റ്, ബീഡി പായ്ക്കറ്റുകളില്‍ പുകവലിയുടെ ദൂഷ്യഫലങ്ങള്‍ വ്യക്തമാക്കുന്നതിനായി നിലവില്‍ 5 ശതമാനം ഭാഗമാണ് ഉപയോഗിച്ചിരുന്നത്. ഇതാണ് 85 ശതമാനമാക്കി കേന്ദ്രം ഉയര്‍ത്തിയത്. ഏപ്രില്‍ ഒന്നുമുതല്‍ നിര്‍ദേശം കര്‍ശനമായി നടപ്പാക്കുമെന്നും കേന്ദ്രമന്ത്രി ഹര്‍ഷവര്‍ധന്‍ അറിയിച്ചു. പുതിയ ഉത്തരവ് നടപ്പാകുന്നതോടെ സിഗററ്റ്‌ പായ്‌ക്കറ്റില്‍ മുന്നറിയിപ്പ് ഏറ്റവും കൂടുതല്‍ ഭാഗത്ത്‌ ഉപയോഗിക്കുന്ന രാജ്യങ്ങളുടെ പട്ടികയില്‍ ഇന്ത്യയും എത്തും.
