മുംബൈ|
Last Modified ചൊവ്വ, 18 ഒക്‌ടോബര്‍ 2016 (10:01 IST)
മുംബൈയില്‍ കെട്ടിടസമുച്ചയത്തില്‍ ഉണ്ടായ തീപിടുത്തത്തില്‍ രണ്ടു മരണം. നഗരത്തിലെ പ്രധാന കെട്ടിടമായ മേക്കര്‍ ടവറിലാണ് തീപിടുത്തം ഉണ്ടായത്. ചൊവ്വാഴ്ച പുലര്‍ച്ചെ 20 ആം നിലയിലാണ് തീപിടുത്തം ഉണ്ടായത്.
11 പേരെ രക്ഷപ്പെടുത്തിയെന്നാണ് ഔദ്യോഗിക വിവരം. അതേസമയം, ബജാജ് ഇലക്ട്രിക്കത്സിന്റെ മാനേജിങ് ഡയറക്ടര്‍ ഷേഖര്‍ ബജാജിന്റെ ഫ്ലാറ്റിലാണ് തീ പിടിച്ചതെന്നാണ് റിപ്പോര്‍ട്ടുകള്‍. സംഭവത്തില്‍ രണ്ടു ഫ്ലാറ്റുകള്‍ പൂര്‍ണമായും കത്തി നശിച്ചു.
പൊലീസും ഫയര്‍ഫോഴ്സും സമയത്ത് എത്തിയതിനാല്‍ തീ നിയന്ത്രണ വിധേയമായെന്ന് എഴുത്തുകാരി ശോഭ ഡേ പറഞ്ഞു. കെട്ടിടത്തിലെ അഞ്ചാം നിലയിലാണ് ശോഭ ഡേ താമസിക്കുന്നത്.
