ഷീലയുടെ തിരിച്ചുവരവ് ഒരു ഉത്സവം പോലെ ആഘോഷിച്ച സിനിമയാണ് മനസ്സിനക്കരെ. ജയറാം നായകനാണെങ്കിലും ഷീലയുടെ സിനിമയായിരുന്നു അത്. ഒരു ക്രിസ്ത്യന്‍ വൃദ്ധയെ കേന്ദ്രകഥാപാത്രമാക്കി സിനിമയൊരുക്കാനുള്ള ധൈര്യത്തിന് സത്യന് അന്തിക്കാടിനെ അഭിനന്ദിക്കണം. സത്യന് അഭിമാനിക്കാവുന്ന വിജയം തന്നെയായിരുന്നു മനസ്സിനക്കരെ. അഴകപ്പന്‍റെ ഛായാഗ്രഹണവും ആ സിനിമയെ മനോഹരമാക്കി. നയന്‍‌താരയുടെ ആദ്യചിത്രം എന്ന നിലയിലും മനസ്സിനക്കരെ പ്രാധാന്യമര്‍ഹിക്കുന്നു.
