“കലാകാരിക്കു വേണ്ടത് കലാവാസനയാ, മീന്‍ വാസനയല്ല” - കടപ്പുറത്തെ രാധ ഇത് പറയുമ്പോള്‍ തിയേറ്ററുകള്‍ പൊട്ടിച്ചിരിയില്‍ കുലുങ്ങി. ഓമനപ്പുഴ കടപ്പുറത്തിന്‍റെ ഓമനയായി രാധ എന്ന ആണ്‍കുട്ടി സ്ക്രീനില്‍ നിറഞ്ഞപ്പോല്‍ ദിലീപ് വീണ്ടും മലയാളികളെ അത്ഭുതപ്പെടുത്തി. ചാന്തുപൊട്ട് ദിലീപിന്‍റെ കരിയറിലെ നാഴികക്കല്ലാണ്. ആ സിനിമയുടെ ഹാംഗ്‌ ഓവര്‍ ചിത്രീകരണം കഴിഞ്ഞ് ഏറെക്കാലം കഴിഞ്ഞിട്ടും തന്നെ വിട്ടു പോയില്ലെന്നാണ് ദിലീപ് പറയുന്നത്. രാധയെ അത്ര ഉള്‍ക്കൊണ്ട് അഭിനയിച്ചതുകൊണ്ടാണല്ലോ ആ സിനിമയെ മലയാളികള്‍ ഇത്രയേറെ സ്നേഹിക്കുന്നത്.
