നാടോടിക്കാറ്റിലെ സി ഐ ഡികള്‍ സമ്മാനിച്ച ചിരി ഒരു ഗൃഹാതുരതയായി പ്രേക്ഷകരുടെ മനസിലുള്ളപ്പോഴാണ് പൊട്ടിച്ചിരിയുടെ മാലപ്പടക്കവുമായി ‘സി ഐ ഡി മൂസ’ വരുന്നത്. ഒരു കാര്‍ട്ടൂണ്‍ ചിത്രം പോലെ രസകരമായ സിനിമയായിരുന്നു അത്. തലച്ചോ‍റ് വീട്ടില്‍ വച്ചിട്ട് തിയേറ്ററില്‍ വന്ന് അന്തം വിട്ട് ചിരിക്കാനായിരുന്നു സംവിധായകന്‍ ജോണി ആന്‍റണി കേരളത്തിലെ പ്രേക്ഷകരോട് ആഹ്വാനം ചെയ്തത്. അത് അങ്ങനെയൊരു സിനിമയായിരുന്നു. ദിലീപ് മൂലങ്കുഴിയില്‍ സഹദേവന്‍ എന്ന മൂസയായി മിന്നിത്തിളങ്ങി. ദിലീപ് ആദ്യമായി നിര്‍മ്മിച്ച ചിത്രമായിരുന്നു ഇത്.
