ഇടുക്കിയില്‍ യൂത്ത് കോണ്‍ഗ്രസ് ജനകീയ വിചാരണയ്ക്കിടെ പ്രവര്‍ത്തകര്‍ തമ്മില്‍ തല്ലിയതിനെ പരിഹസിച്ച് വൈദ്യൂത മന്ത്രി എംഎം മണി. മണി തന്റെ ഫേസ്ബുക്കിലൂടെയാണ് പ്രതികരിച്ചത്. തമ്മില്‍ തല്ലുന്ന വീഡിയോ സഹിതമാണ് മന്ത്രി ഫേസ്ബുക്ക് പോസ്റ്റിലൂടെ യൂത്ത് കോണ്‍ഗ്രസിനെയും സംഘടനാ നേതാവ് ഡീന്‍ കൂര്യാക്കോസിനെയും പരിഹസിച്ച് രംഗത്തെത്തിയത്.

‘ഇടുക്കി പാര്‍ലമെന്റ് മണ്ഡലത്തിലെ ജനകീയ വിചാരണ തുടരുകയാണ്. പ്രിയപ്പെട്ട ഡീന്‍ ഒരു കാര്യം പറഞ്ഞോട്ടെ ഉപദേശമായൊന്നും കണക്കാക്കണ്ട’ എന്നു പറഞ്ഞാണ് മണിയുടെ പോസ്റ്റ് ആരംഭിക്കുന്നത്. ഒന്നുകില്‍ നിങ്ങള്‍ വേദിയുടെ വലുപ്പം കൂട്ടണം അല്ലെങ്കില്‍ വേദിയില്‍ ഇരിപ്പിടങ്ങളുടെ എണ്ണം കൂട്ടണം. ഇതല്ലാതെ ഒരു കസേരക്കുവേണ്ടി കൊച്ചുപിള്ളേരെപ്പോലെ തല്ലൂകൂടാന്‍ നാണമില്ലേ എന്ന് മന്ത്രി ചോദിക്കുന്നു.