മമ്മൂട്ടി ഒരു ദുരന്തമാണ്! - വൈറലായി യുവതിയുടെ പോസ്റ്റ്

വ്യാഴം, 4 ജനുവരി 2018 (13:51 IST)

മലയാള ഇപ്പോൾ വിവാദങ്ങളുടെ പിന്നാലെയാണ്. ഐഎഫ്എഫ്കെ വേദിയിൽ വെച്ച് നടി പാർവതി മമ്മൂട്ടിയുടെ കസബയെന്ന ചിത്രത്തെ രൂക്ഷമായി വിമർശിച്ചത് മുതൽ തുടങ്ങിയതാണ് ഈ വിവാദം. നടി പാർവ്വതിയും റിമയും ഗീതു മോഹൻദാസും നേരിടേണ്ടി വന്ന സൈബർ അക്രമമങ്ങൾ ചെറുതൊന്നുമല്ല. 
 
വിഷയത്തിൽ മമ്മൂട്ടി പാർവതിയെ വിളിച്ച് സംസാരിച്ചിരുന്നു. എന്നാൽ, വിവാദങ്ങളും ചർച്ചകളും ഇതുവരെ കെട്ടടങ്ങിയിട്ടില്ല. ഇപ്പോഴിതാ, സിനിമയിലെ സ്ത്രീകൾക്കെതിരെ നടക്കുന്ന രൂക്ഷമായ സൈബർ ആക്രമണത്തിനു മമ്മൂട്ടി മറുപടി പറയണമെന്ന് രേഷ്മ ശശിധരൻ പറയുന്നു. മ്മൂട്ടി ഒരു ദുരന്തമാണ്. എന്നാണ് രേഷ്മ ശശിധരൻ തന്റെ ഫേസ്ബുക്ക് പോസ്റ്റിൽ പറഞ്ഞിരിക്കുന്നത്. സോഷ്യൽ മീഡിയയിൽ വൈറലായിരിക്കുകയാണ് ഈ പോസ്റ്റ്. 
 
വൈറലാകുന്ന പോസ്റ്റ്:
 
ഓട് മമ്മൂട്ടീ കണ്ടം വഴി (ഒഎംകെവി ) എന്ന്‌ പാർവ്വതി പറഞ്ഞിട്ടില്ല.
 
പാർവ്വതി വിമർശിച്ചത് മമ്മൂട്ടി അഭിനയിച്ച കസബയിലെ സ്ത്രീവിരുദ്ധതയെയാണ്. അത് ഒട്ടും പുതുമയില്ലാത്ത കാര്യമാണ്. ഇതിന് മുന്നേയും പല പ്രശസ്തരായ ആളുകളും സിനിമാ നിരൂപകരുമൊക്കെ പലവട്ടം പറഞ്ഞിട്ടുള്ള സംഗതിയുമാണ്. പക്ഷേ അവർക്ക് നേരെയൊന്നും ഇല്ലാത്ത രീതിയിലുള്ള ആക്രമണങ്ങൾ മലയാളി ആൺ പെൺ കൂട്ടങ്ങൾക്കിടയിൽ നിന്ന് പാര്വ്വതിക്ക് മാത്രം നേരിടേണ്ടി വരുന്നതിനുള്ള കാരണം പാർവ്വതി പെണ്ണാണ് എന്നത് കൊണ്ട് മാത്രമാണ്.
 
ഈ തെറിവിളികളും വെപ്രാളവുമൊന്നും മമ്മൂട്ടിയോടോ സഹപ്രവർത്തകയെ ബലാല്സംഗം ചെയ്യാൻ കൊട്ടേഷൻ കൊടുത്തവനോടോ ഉള്ള സ്നേഹം കൊണ്ടല്ല. പൊതുവേദിയിൽ അഭിപ്രായം പറയുന്ന,സ്വന്തം ഇഷ്ടത്തിന് ജീവിക്കുന്ന, ആണിന്റെ മുന്നിൽ കൂസാതെ നിൽക്കുന്ന പെണ്ണിനെ മല്ലു ആൺ വർഗത്തിന് ഭയമാണ് എന്നത് കൊണ്ടാണ് പർവ്വതിക്കും റിമയ്ക്കും അത് പോലെ തന്റേടത്തോടെ സ്വന്തം അഭിപ്രായം എവിടെയും പറയാൻ കെൽപ്പുള്ള സ്ത്രീകൾക്ക് നേരെയും നടക്കുന്ന ഈ ആക്രമണം.
 
പൊട്ടക്കിണറ്റിലെ തവളകളെ പോലെ അടിമത്തം ആഘോഷമാക്കുന്ന സ്ത്രീകളും കൂടെ കഥയറിയാതെ ആട്ടം കാണുന്നുണ്ട്. മുമ്പെന്നത്തേയുംകാൾ സിനിമയെ രാഷ്ട്രീയമായി അനലൈസ് ചെയ്യുന്ന, സിനിമയിലെ സ്ത്രീവിരുദ്ധതയും ദളിത്‌ വിരുദ്ധതയുമൊക്കെ വലിയ തോതിൽ ചർച്ചചെയ്യപ്പെടുന്ന,അത് തുറന്നു പറയുന്ന ഒരു സമൂഹമാണ് ഇപ്പോഴത്തേത്.അത് മനസിലാക്കാൻ മാത്രം ഉയർന്ന രാഷ്ട്രീയ ബോധ്യമുള്ള ഒരാളാണ് മമ്മൂട്ടി എന്നാണ് ഇതുവരെ കരുതിയിരുന്നത്.എന്നാൽ അങ്ങനെയല്ല.
 
മമ്മൂട്ടി ഒരു ദുരന്തമാണ്.



ഇതിനെക്കുറിച്ച് കൂടുതല്‍ വായിക്കുക :  
മമ്മൂട്ടി സിനിമ പാർവതി കസബ Mammootty Cinema Parvathy Kasaba

വാര്‍ത്ത

news

നിഷ്കളങ്കനായ രജനിക്ക് ചേര്‍ന്ന പണിയല്ല രാഷ്ട്രീയം: ശ്രീനിവാസന്‍ പറയുന്നു

രജനികാന്തിന്റെ രാഷ്ട്രീയ പ്രവേശത്തില്‍ പ്രതികരണവുമായി നടന്‍ ശ്രീനിവാസന്‍. രാഷ്ട്രീയം ...

news

യുവാവിന്റെ മരണത്തിൽ ദുരൂഹത? ബാബുരാജിന്റെ ബന്ധം അന്വേഷിക്കണമെന്ന് ബന്ധുക്കൾ

പുതുവര്‍ഷ പുലരിയില്‍ ഇലവീഴാപൂഞ്ചിറയില്‍ ജലാശയത്തില്‍ യുവാവിനെ മരിച്ച നിലയില്‍ കണ്ടെത്തിയ ...

news

മുസ്‌ലീം യുവാവിനൊപ്പം പാര്‍ക്കില്‍ പോയതിന്റെ പേരില്‍ പെണ്‍കുട്ടിക്ക് ക്രൂരമര്‍ദനം; വീഡിയോ വൈറല്‍

മുസ്‌ലീം യുവാവിനൊപ്പം പാര്‍ക്കില്‍ പോയതിന്റെ പേരില്‍ പെണ്‍കുട്ടിക്ക് ക്രൂരമര്‍ദനം. ഹിന്ദു ...

news

അനധികൃത റോഡ് നിർമ്മാണം; തോമസ് ചാണ്ടിക്ക് കുരുക്കു മുറുകുന്നു; കേസെടുക്കാന്‍ വിജിലന്‍സ് കോടതി ഉത്തരവ്

കായല്‍ കയ്യേറിയതുമായി ബന്ധപ്പെട്ട് മുന്‍‌ഗതാഗത മന്ത്രി തോമസ് ചാണ്ടിക്കെതിരെ കേസെടുക്കന്‍ ...