വയനാട് ലോകസഭാ മണ്ഡലത്തിലേക്കുള്ള ഉപതിരെഞ്ഞെടുപ്പ് നവംബര്‍ 13ന് നടക്കും. ഇതിനൊപ്പം പാലക്കാട്, ചേലക്കര നിയമസഭാ മണ്ഡലങ്ങളിലേക്കും ഉപതിരെഞ്ഞെടുപ്പുണ്ടാകും. മൂന്നിടത്തും നവംബര്‍ 23നാകും വൊട്ടെണ്ണല്‍.

വയനാടും റായ്ബറേലി ലോകസഭാ മണ്ഡലത്തിലും രാഹുല്‍ ഗാന്ധി വിജയിച്ചതിനെ തുടര്‍ന്ന് രാഹുല്‍ വയനാട് മണ്ഡലം ഒഴിയുകയായിരുന്നു. പ്രിയങ്കാ ഗാന്ധിയായിരിക്കും ഇവിടെ യുഡിഎഫ് സ്ഥാനാര്‍ഥി എന്നാണ് സൂചനകള്‍. ഷാഫി പറമ്പില്‍ എംഎല്‍എ ലോകസഭാ ഉപതിരെഞ്ഞെടുപ്പില്‍ വടകരയില്‍ നിന്നും വിജയിച്ചതോടെയാണ് പാലക്കാട് മണ്ഡലത്തില്‍ ഉപതിരെഞ്ഞെടുപ്പ് നടക്കുന്നത്. ചേലക്കരയില്‍ എംഎല്‍എ ആയിരുന്ന കെ രാധാകൃഷ്ണന്‍ ആലത്തൂര്‍ ലോകസഭാ മണ്ഡലത്തില്‍ നിന്നും വിജയിച്ചിരുന്നു. ഇതൊടെയാണ് ചേലക്കരയിലും ഉപതിരെഞ്ഞെടുപ്പിന് കളമൊരുങ്ങിയിരിക്കുന്നത്.