ഹരിയാനയിലേത് കോണ്‍ഗ്രസിന് വിജയിക്കാവുന്ന തിരെഞ്ഞെടുപ്പായിരുന്നുവെന്നും പാര്‍ട്ടിയേക്കാള്‍ സ്വന്തം താത്പര്യങ്ങള്‍ക്ക് വേണ്ടി നിന്ന പ്രാദേശിക നേതാക്കളാണ് തോല്‍വിക്ക് കാരണമെന്നും തുറന്ന് പറഞ്ഞ് പ്രതിപക്ഷ നേതാവ് രാഹുല്‍ ഗാന്ധി. നേതാക്കള്‍ പാര്‍ട്ടിയെ പറ്റി ചിന്തിച്ചില്ലെന്നും രാഹുല്‍ തുറന്നടിച്ചു.

ഹരിയാന നിയമസഭാ തിരെഞ്ഞെടുപ്പില്‍ കോണ്‍ഗ്രസ് പരാജയത്തില്‍ രാഹുല്‍ ഗാന്ധി രോഷാകുലനായതായി നേരത്തെ റിപ്പോര്‍ട്ടുകള്‍ വന്നിരുന്നു. തോല്‍വിയെ തുടര്‍ന്ന് നടത്തിയ അവലോകനയോഗത്തില്‍ കോണ്‍ഗ്രസിന് വിജയിക്കാമായിരുന്നുവെന്നും നേതാക്കളുടെ സ്വാര്‍ഥത മൂലം അവസരം നഷ്ടമായെന്നും വിമര്‍ശിച്ചുകൊണ്ട് രാഹുല്‍ ഗാന്ധി എഴുന്നേറ്റ് പോയതായാണ് ദേശീയമാധ്യമങ്ങള്‍ റിപ്പോര്‍ട്ട് ചെയ്യുന്നത്.