കൊച്ചിയില്‍ യുവനടി ആക്രമിക്കപ്പെട്ട സംഭവത്തിന് പിന്നില്‍ ഗൂഢാലോചന ഉണ്ടെന്ന് ആദ്യം ആരോപിച്ചത് ദിലീപിന്റെ മുന്‍ഭാര്യയും നടിയുമായ മഞ്ജൂ വാര്യരാണ്. സംഭവത്തില്‍ പിന്നില്‍ ക്രിമിനല്‍ ഗൂഢാലോചന ഉണ്ടെന്ന് മഞ്ജു പറഞ്ഞതാണ് പൊലീസ് നിര്‍ണ്ണായക തെളിവായി കാണുന്നത്.

നടി ആക്രമിക്കപ്പെട്ട സംഭവത്തില്‍ താരങ്ങളുടെ സംഘടനയായ അമ്മ നടത്തിയ പ്രതിഷേധ യോഗത്തിന്റെ വീഡിയോ അടക്കമുള്ള തെളിവുകള്‍ പൊലീസിന്റെ പക്കലുണ്ട്. അപ്പോള്‍ ദിലീപിനെതിരെയുള്ള കേസില്‍ നിര്‍ണായക സാക്ഷിയാവുക മഞ്ജു തന്നെയാകും.

കേസില്‍ പുതിയ കുറ്റപത്രം സമര്‍പ്പിക്കുമ്പോള്‍ ദിലീപ് രണ്ടാം പ്രതിയാക്കിയാകും. അതുമാത്രമല്ല പുതിയ കുറ്റപത്രം തയ്യാറാക്കുമ്പോള്‍ മാഡം ഉണ്ടാകില്ല എന്നാണ് സൂചന. മാഡത്തെക്കുറിച്ച അന്വേഷിക്കേണ്ടതില്ലെന്ന നിലപാടും പൊലീസ് എടുത്തുകഴിഞ്ഞു. കേസ് വഴിതെറ്റിക്കാന്‍ പള്‍സര്‍ സുനി പ്രയോഗിച്ച തന്ത്രം മാത്രമാണ് മാഡം എന്നാണ് പൊലീസ് കരുതുന്നത്