രണ്ടുവയസ്സുള്ള കുട്ടി കശുവണ്ടി പരിപ്പ് തൊണ്ടയില്‍ കുടുങ്ങി മരിച്ചു. കൊല്ലം കൊട്ടിയത്താണ് സംഭവം. കണ്ണനല്ലൂര്‍ റഫീഖ് മന്‍സിലില്‍ അഡ്വ മുഹമ്മദ് റഫീഖിന്റെയും സബീനയുടെയും മകന്‍ റയീസ് മുഹമ്മദ് റഫീഖ് ആണ് മരിച്ചത്.

കശുവണ്ടി പരിപ്പ് കഴിക്കുന്ന സമയത്ത് രണ്ടു വയസ്സുകാരന്‍ കരഞ്ഞതാണ് പരിപ്പ് ശ്വാസനാളത്തിൽ കുടുങ്ങാൻ കാരണമായത്. ഉടന്‍തന്നെ കൊട്ടിയത്തെ സ്വകാര്യ ആശുപത്രിയിൽ എത്തിച്ച് തൊണ്ടയിൽ കുടുങ്ങിയ പരിപ്പ് പുറത്തെടുത്തിരുന്നു. അതിനു ശേഷം വിദഗ്‌ധ ചികിത്സയ്ക്കായി തിരുവനന്തപുരത്തെ സ്വകാര്യ ആശുപത്രിയിൽ പ്രവേശിപ്പിച്ചെങ്കിലും കുട്ടി മരിക്കുകയായിരുന്നു.