സൂപ്പര്‍താരങ്ങള്‍ ചേര്‍ന്നൊരു ചര്‍ച്ച നടത്തി? ഒടുവില്‍ ദിലീപിനെ രക്ഷിക്കാന്‍ അയാള്‍ നേരിട്ടെത്തി!

തിങ്കള്‍, 7 ഓഗസ്റ്റ് 2017 (10:07 IST)

കൊച്ചിയില്‍ നടി ആക്രമിക്കപ്പെട്ട സംഭവത്തില്‍ നടന്‍ ദിലീപ് അറസ്റ്റിലായതോടെ ദിലീപിന് പിന്തുണ നല്‍കുന്നവരുടെ എണ്ണം കുറഞ്ഞിരിക്കുകയാണ്. നടിയോടൊപ്പം ആണെങ്കിലും ദിലീപിന് വേണ്ടിയും നിലകൊള്ളും എന്ന നിലപാടിലാണ് ചിലര്‍. ഇക്കൂട്ടത്തിലാണ് മോഹന്‍ലാലിന്റെ വിശ്വസ്തന്‍ ആന്റണി പെരുമ്പാവൂര്‍.
 
ദിലീപിനെ പൂട്ടിക്കാന്‍ ആന്റണി പെരുമ്പാവൂരും മോഹന്‍ലാലും ശ്രമിച്ചുവെന്ന് വാര്‍ത്തകള്‍ ഉണ്ടായിരുന്നു. തിയറ്റര്‍ ഉടമകളുടെ ഫിയോക്ക് എന്ന സംഘടന രൂപീകരിച്ചതും അതിന്റെ തലപ്പത്ത് ദിലീപ് എത്തിയതും ഇതിന്റെ ഭാഗമാണെന്നായിരുന്നു പ്രചരണം. ദിലീപ് അറസ്റ്റിലായതോടെ അദ്ദേഹത്തെ തത്സ്ഥാനത്ത് നിന്നും നീക്കുകയും സെക്രട്ടറിയായിരുന്ന ആന്റണി പെരുമ്പാവൂര്‍ പ്രസിഡന്റ് ആകുകയും ചെയ്തു. ഇതോടെ ഈ സംശയം ബലപ്പെടുകയായിരുന്നു. 
 
എന്നാല്‍, ദിലീപിനെ കൈവിടാതെ കൂടെ നിര്‍ത്തിയിരിക്കുകയാണ് ആന്റണി പെരുമ്പാവൂര്‍ നേതൃത്വം നല്‍കുന്ന ഫിയോക്കിന്റെ തീരുമാനം. ദിലീപിന്റെ ഉടമസ്ഥതയിലുള്ള ചാലക്കുടിയിലെ ഡി സിനിമാസ് പൂട്ടിയ നഗരസഭ നടപടിക്കെതിരെ കോടതിയെ സമീപിക്കാനാണ് ഫിയോക്കിന്റെ തീരുമാനം. തിയറ്ററിന്റെ വിവരങ്ങള്‍ പരിശോധിച്ചപ്പോള്‍ നഗരസഭയുടെ നടപടി തീര്‍ത്തും തെറ്റാണെന്ന് കണ്ടെത്തിയതിന്റെ അടിസ്ഥാനത്തിലാണ് ഈ നീക്കം.
 
ഡി സിനിമാസിന് വേണ്ടി രംഗത്തെത്തിയതോടെ ദിലീപിന്റെ ശത്രുവല്ലെന്ന് ആന്റണി പെരുമ്പാവൂരും തെളിയിച്ചിരിക്കുകയാണ്. ഏതായാലും മോഹന്‍ലാലും മമ്മൂട്ടിയും ചേര്‍ന്ന് നടത്തിയ ചര്‍ച്ചകള്‍ക്കൊടുവിലായിരിക്കാം ഇങ്ങനെയൊരു നീക്കമെന്നും സംസാരമുണ്ട്. ആന്റണി പെരുമ്പാവൂര്‍ മോഹന്‍ലാലിന്റെ വിശ്വസ്തന്‍ ആയതു കൊണ്ട് കൂടി ഈ സംശയം ബലപ്പെടുന്നു.



ഇതിനെക്കുറിച്ച് കൂടുതല്‍ വായിക്കുക :  

വാര്‍ത്ത

news

റിമാന്‍ഡ് കാലാവധി അവസാനിക്കുന്നു, വീണ്ടും ജാമ്യത്തിന് നീക്കം; ദിലീപിന്റെ ആരോഗ്യനില മോശമാകുന്നതായി റിപ്പോര്‍ട്ടുകള്‍

കൊച്ചിയില്‍ യുവനടി ആക്രമിക്കപ്പെട്ട സംഭവത്തില്‍ അറസ്റ്റിലായ നടന്‍ ദിലീപിന്റെ റിമാന്‍ഡ് ...

news

ആകെ കുഴപ്പമെന്ന പ്രചരണത്തിൽ ആശങ്ക; അക്രമങ്ങള്‍ അവസാനിപ്പിക്കാന്‍ എല്ലാപാര്‍ട്ടികളും ഒറ്റക്കെട്ടായി നില്‍ക്കും: പിണറായി

കേരളത്തില്‍ ആകെ കുഴപ്പമാണെന്ന പ്രചരണത്തില്‍ ആശങ്കയെന്ന് മുഖ്യമന്ത്രി പിണറായി വിജയന്‍. ...

news

ദിലീപിന്റെ ഡി സിനിമാസ് പൂട്ടിച്ചത് രാഷ്ട്രീയ നേട്ടമുണ്ടാക്കാന്‍ ?

കൊച്ചിയില്‍ യുവനടി ആക്രമിക്കപ്പെട്ട സംഭവത്തില്‍ അറസ്റ്റിലായ നടന്‍ ദിലീപിന്റെ ...