ഒമാനില്‍ ഉണ്ടായ വാഹനാപകടത്തില്‍ 18 പേര്‍ മരിച്ചു. റോയല്‍ ഒമാന്‍ പൊലീസ് ട്വിറ്റര്‍ സന്ദേശത്തില്‍ അറിയിച്ചതാണ് ഇക്കാര്യം. പാകിസ്ഥാന്‍ സ്വദേശികളാണ് മരിച്ചവരില്‍ കൂടുതലെന്നാണ് പ്രാഥമികവിവരം.

അപകടത്തില്‍ 14 പേര്‍ക്ക് ഗുരുതരമായി പരുക്കേറ്റിട്ടുണ്ട്. അതേസമയം, മരിച്ചവരില്‍ മലയാളികളോ ഇന്ത്യക്കാരോ ഉള്‍പ്പെട്ടതായി റിപ്പോര്‍ട്ടുകള്‍ ഒന്നുമില്ല. ബസും ട്രക്കും കാറും കൂട്ടിയിടിച്ചായിരുന്നു അപകടമുണ്ടായത്.

മസ്കത്തില്‍ നിന്ന് ഏതാണ്ട് 300 കിലോമീറ്റര്‍ അകലെ ഫഹൂദ് - ഇബ്രി റോഡില്‍ തിങ്കളാഴ്ച അര്‍ധരാത്രിയോടെയാണ് അപകടമുണ്ടായത്. അപകടത്തില്‍ വാഹനങ്ങള്‍ നിശേഷം തകര്‍ന്നു. ഒമാനിലെ എണ്ണ ഖനന മേഖലയാണ് ഫഹൂദിലേക്ക് തൊഴിലാളികളുമായി പോകുകയായിരുന്ന ബസാണ് അപകടത്തില്‍പ്പെട്ടതെന്നാണ് റിപ്പോര്‍ട്ടുകള്‍.