സൗദിയിലുണ്ടായ വാഹനാപകടത്തില്‍ മലയാളി മരിച്ചു. മലപ്പുറം നിലമ്പൂര്‍ പൂവത്തൂര്‍മുട്ടില്‍ സ്വദേശിയും
നവയുഗം സാംസ്‌കാരികവേദി ഹഫൂഫ് യൂണിറ്റ് ഭാരവാഹിയുമായിരുന്ന കുഞ്ഞുമോന്‍ വര്‍ഗ്ഗീസ് (48) ആണ് മരിച്ചത്. അല്‍ഹസ്സ സനയ്യയില്‍ വെച്ചാണ് അപകടം നടന്നത്.

കടയിലെ ആവശ്യങ്ങള്‍ക്കായി സനയ്യയില്‍ നിന്നും പ്ലൈവുഡ് വാങ്ങി വാഹനത്തില്‍ ഹഫൂഫിലേയ്ക്ക് വരുമ്പോഴായിരുന്നു അപകടം. വാഹനത്തിന്റെ കുറുകെ വന്ന ഒട്ടകവുമായി കൂട്ടിയിച്ചായിരുന്നു അപകടം നടന്നത്. മൃതദേഹം എത്രയും പെട്ടെന്ന് നാട്ടിലെത്തിയ്ക്കാനുള്ള നടപടികള്‍ നടക്കുകയണ്.