തെരുവുപൂച്ചകള്‍ക്ക് പാലുകൊടുത്തതിനു യുഎസില്‍ 79കാരിയ്ക്ക് ജയില്‍ ശിക്ഷ.79കാരിയായ സെഗുല എന്ന സ്ത്രീയ്ക്കാണ് ജയില്‍ ശിക്ഷ ലഭിച്ചത്. 2017 ല്‍ ഭര്‍ത്താവ് മരിച്ചതോടെ ഏകാന്തയായി കഴിഞ്ഞിരുന്ന സെഗുല, അയല്‍വാസികള്‍ ഉപേക്ഷിച്ചു പോയ പൂച്ചക്കുട്ടികളെ എടുത്ത് അവരെ പാലൂട്ടി വളര്‍ത്തുകയായിരുന്നു.

ഒറ്റപ്പെടൽ മാറാനും ഈ പൂച്ചകളുടെ സന്തോഷം സെഗുലയെ സഹായിച്ചിരുന്നു.
എന്നാല്‍ അമേരിക്കയിലെ ഒഹിയോ മജിസ്ട്രേറ്റ് ഇത് കുറ്റകരമായ നടപടിയായി കണ്ടെത്തുകയും സെഗുലയ്ക്ക് ജയില്‍ ശിക്ഷ വിധിക്കുകയുമായിരുന്നു.10 ദിവസത്തെ ജയില്‍വാസമാണ് സെഗുലയ്ക്ക് കോടതി വിധിച്ചിരിക്കുന്നത്.
ആറ് മുതല്‍ എട്ട് പൂച്ചകള്‍ വരെയാണ് സെഗുലയുടെ സ്നേഹത്തണലിലുള്ളത്.