മാതള നാരങ്ങയുടെ ഉപയോഗങ്ങൾ എല്ലാവർക്കും അറിയാവുന്നതാണ്. ശരീരത്തിൽ രക്തത്തിന്റെ അളവ് കൂട്ടണമെങ്കിൽ എന്താണ് കഴിക്കേണ്ടത് എന്ന് ചോദിച്ചാൽ എല്ലാവരും ആദ്യം പറയുന്ന പഴത്തിന്റെ പേരാണ് മാതള നാരങ്ങ. ആയൂർവേദത്തിലും ഈ പഴത്തിന്റെ സ്ഥാനം ചെറുതല്ല.

എന്നാൽ മാതളം മാത്രമല്ല മാതളത്തിന്റെ തൊലിയും ആയൂർവേദ മരുന്നാണ്. ഇത് അധികം ആർക്കും അറിവില്ലാത്ത കാര്യമാണ്. ഇത് സ്‌ത്രീകൾക്കും പുരുഷൻമാർക്കും ഒരുപോലെ ഉത്തമമാണ്. വന്ധ്യതയുടെ പ്രശ്‌നം പരിഹരിക്കാനാണ് ആയൂർവേദ മരുന്നുകളിൽ മാതളത്തിന്റെ തൊലി ഉപയോഗിക്കുന്നത്.

ഇത് സ്വകാര്യ അവയവങ്ങളിലേക്കുള്ള രക്തയോട്ടം വര്‍ദ്ധിപ്പിക്കുകയും ഗര്‍ഭപാത്രത്തിന് ആരോഗ്യം വര്‍ദ്ധിപ്പിക്കുകയും ചെയ്യുന്നു. മാത്രമല്ല ലൈംഗികബന്ധത്തില്‍ ഏര്‍പ്പെടുമ്പോൾ ഉണ്ടാവുന്ന പല വിധത്തിലുള്ള തടസ്സങ്ങള്‍ക്കും പരിഹാരമാണ് മാതള നാരങ്ങ. അതുകൊണ്ട് തന്നെ ഇത് കഴിക്കുന്നത് കൊണ്ട് യാതൊരു വിധത്തിലുള്ള പ്രതിസന്ധികളും ഉണ്ടാവില്ല.