ഐസ് ക്യുബ് വെറുതെ ഒരു രസത്തിനെങ്കിലും നമ്മൾ മുഖത്ത് വച്ചിട്ടുണ്ടാകും. മുഖം തണുപ്പിക്കാൻ നമ്മൾ തണുത്ത വെള്ളം കൊണ്ട് മുഖം കഴുകിയിട്ടുണ്ടാകും എന്നാൽ ഇത് മുഖ സൌന്ദര്യത്തിനായി സ്ഥിരമായി ചെയ്യാവുന്ന ഒരു കാര്യമാണ്. ഐയ് ക്യൂബുകൊണ്ട് മസാജ് ചെയ്യൂനത് മുഖ സൌന്ദര്യം വർധിപ്പിക്കാൻ ഏറ്റവും നല്ല മാർഗങ്ങളിലൊന്നാണ്.

മുഖത്തെ ഇരുണ്ട നിറം മാറുന്നതിനും മുഖ ചർമ്മം മൃദുവാക്കുന്നതിനും ദിവസേന ഒരു നേരം ഐസ് ക്യൂബുകൊണ്ട് മസാജ് ചെയ്യുന്നതിലൂടെ സാധിക്കും. പലരുടെയും പ്രധാന പ്രശ്നമായ മുഖക്കുരു
അകറ്റാനും ഐസ് ക്യൂബ് മസാജിങ് നല്ലതാണ്.

മുഖ സംരക്ഷണത്തിനായി പ്രത്യേക കൂട്ടുകൾ ചേർത്ത ഐസ് ക്യൂബുകളും ഉണ്ടാക്കാറുണ്ട്. റോസ് വാട്ടറും ക്യുക്കുമ്പർ ജ്യൂസും ചേർത്ത മിസ്രിതം ഐസാക്കി മുഖത്ത് മസാജ് ചെയ്യുന്നത് മുഖചർമത്തെ നിർമലമാക്കും. ഐസ് ക്യൂബുകൊണ്ട് ചുണ്ടുകൾ മസാജ് ചെയ്യുന്നതിലൂടെ ചുണ്ടിലെ ചുളിവുകൾ മാറുകയും ആകർഷകമായ നിറം കൈവരുകയും ചെയ്യും.