സിആര്‍ രവിചന്ദ്രന്‍|
Last Updated:
ചൊവ്വ, 8 ഏപ്രില്‍ 2025 (16:08 IST)
അള്‍സര്‍ സാധാരണ ജീവിതത്തെ അലോസരപ്പെടുത്തുന്ന രോഗമാണ്. എരിവുള്ള ഭക്ഷണങ്ങളും സമ്മര്‍ദ്ദവും അള്‍സറിന് കാരണമാകില്ലെന്നാണ് ചിലരുടെ വിശ്വാസം. അള്‍സര്‍ ഉണ്ടാകുന്നത് എച്ച് പൈലോറി എന്ന ബാക്ടീരിയമൂലമുള്ള ഇന്‍ഫക്ഷന്‍ കൊണ്ടാണ്. ഇതുണ്ടായിക്കഴിഞ്ഞാല്‍ എരിവുള്ള ഭക്ഷണങ്ങളും സമ്മര്‍ദ്ദവും രോഗത്തെ വഷളാക്കും. ചിലമരുന്നുകളുടെ ഉപയോഗം കൊണ്ടും അള്‍സര്‍ ഉണ്ടാകാം.
അള്‍സര്‍ ഉണ്ടായിക്കഴിഞ്ഞാല്‍ തീര്‍ച്ചയായും ഭക്ഷണ കാര്യത്തില്‍ മാറ്റം വരുത്തണം. കൂടാതെ കുടലിലെ നല്ല ബാക്ടീരിയകള്‍ ഉണ്ടാകുന്നതിനായി സപ്ലിമെന്റുകളും ആവശ്യമാണ്. അച്ചാര്‍, പഴങ്കഞ്ഞി, തൈര് തുടങ്ങിയ ഫെര്‍മന്റായ ഭക്ഷണങ്ങളിലും നല്ല ബാക്ടീരിയകള്‍ ഉണ്ട്.
അള്‍സര്‍ ഉണ്ടായിക്കഴിഞ്ഞാല്‍ തീര്‍ച്ചയായും ഭക്ഷണ കാര്യത്തില്‍ മാറ്റം വരുത്തണം. കാരറ്റ് അള്‍സറിനെ പ്രതിരോധിക്കും. ഇതില്‍ അടങ്ങിയിട്ടുള്ള ആന്റി പെപ്റ്റിക് അള്‍സര്‍ ഘടകങ്ങള്‍ അള്‍സര്‍ വേഗത്തില്‍ സുഖപ്പെടുന്നതിന് സഹായിക്കും. ബ്രോക്കോളി എച്ച് പൈലോറി ബാക്ടീരിയയുടെ വളര്‍ച്ചയെ തടയുന്നു. സള്‍ഫോറാഫനെ എന്ന ഘടകമാണ് ഇതിന് സഹായിക്കുന്നത്.
മറ്റൊന്ന് ഇലക്കറികളാണ്. ഇത് ശരീരത്തെ ഹൈഡ്രേറ്റാക്കി നിലനിര്‍ത്തുകയും ആമാശയ അള്‍സറിനെ പ്രതിരോധിക്കുകയും ചെയ്യും. ആപ്പിളില്‍ പോളിഫെനോള്‍സ് അടങ്ങിയിട്ടുണ്ട്. ഇത് നല്ലൊരു ആന്റി ഓക്‌സിഡന്റാണ്. അസ്പിരിന്‍ കഴിക്കുന്നതുമൂലമുണ്ടാകുന്ന അള്‍സറിനെ ഇത് പ്രതിരോധിക്കുന്നു.
