അനുബന്ധ വാര്ത്തകള്
- തട്ടുകട ഫുഡ് ഇടയ്ക്കിടെ കഴിക്കാറുണ്ടോ? അപകടം അരികെ
- നിങ്ങളുടെ രീതികള് ഇങ്ങനെയാണെങ്കില് അമിതവണ്ണം വിട്ടുമാറില്ല
- കുട്ടികളില് ജലദോഷപനി വ്യാപിക്കുന്നു; ഭക്ഷണകാര്യങ്ങളില് ശ്രദ്ധിക്കണം
- സ്ട്രോക്ക് വരുന്നതിന് മുന്പുണ്ടാകുന്ന സൂചനയാണ് ഐസ്ട്രോക്ക്; ഇക്കാര്യങ്ങള് അറിയണം
- കൊതുക് കൂടുതലുള്ള പ്രദേശമാണോ നിങ്ങളുടേത്; രോഗം വരാതിരിക്കാന് ഇക്കാര്യങ്ങള് ശ്രദ്ധിക്കണം
മദ്യത്തിനൊപ്പം കഴിക്കാന് പാടില്ലാത്ത സാധനങ്ങള്
ബീര് കുടിക്കുന്നതിനൊപ്പം ബ്രെഡ് വിഭവങ്ങള് കഴിക്കരുത്
വീക്കെന്ഡുകളില് സുഹൃത്തുക്കള്ക്കൊപ്പം മദ്യപിക്കുന്നവരാണ് നമ്മളില് ഭൂരിഭാഗം ആളുകളും. എന്നാല് അമിതമായ മദ്യപാനം ശരീരത്തിന് വലിയ രീതിയില് ദോഷം ചെയ്യുമെന്ന കാര്യം എല്ലാവരുടേയും ഓര്മയില് വേണം. മദ്യപിക്കുന്നതിനൊപ്പം കഴിക്കുന്ന ഭക്ഷണ സാധനങ്ങളെ കുറിച്ച് പോലും കൃത്യമായ ധാരണ വേണം. ഫ്രൂട്ട്സ്, വെജിറ്റബിള് സലാഡ് എന്നിവയാണ് എപ്പോഴും മദ്യപിക്കുന്നതിനൊപ്പം കഴിക്കാന് നല്ലത്.
ബീര് കുടിക്കുന്നതിനൊപ്പം ബ്രെഡ് വിഭവങ്ങള് കഴിക്കരുത്. ബര്ഗര് പോലെയുള്ള ജങ്ക് ഫുഡ്സ് വിഭവങ്ങള് ബീറിനൊപ്പം ചേരില്ല. ബീറിലും ബ്രെഡിലും യീസ്റ്റ് അടങ്ങിയിട്ടുണ്ട്. യീസ്റ്റ് അമിതമായാല് അത് ദഹനപ്രക്രിയയെ സാരമായി ബാധിക്കും. അതുകൊണ്ട് ബീറും ബ്രെഡ് വിഭവങ്ങളും ഒന്നിച്ച് കഴിക്കരുത്.
മദ്യപിക്കുന്നതിനൊപ്പം ഉപ്പ് കൂടുതലുള്ള ഭക്ഷണ സാധനങ്ങള് കഴിക്കുന്നത് ആരോഗ്യത്തിനു നല്ലതല്ല. ഫ്രെഞ്ച് ഫ്രൈസ്, ചീസി നാച്ചോസ് എന്നിവ മദ്യത്തിനൊപ്പം കഴിക്കരുത്. കാരണം സോഡിയം കൂടുതലുള്ള സാധനങ്ങള് മദ്യത്തിനൊപ്പം ഉള്ളിലേക്ക് എത്തിയാല് അത് ദഹനത്തെ ബാധിക്കും. ഉപ്പ് കൂടുതലുള്ള സാധനങ്ങള് കഴിച്ചാല് ദാഹം കൂടും. വീണ്ടും വീണ്ടും മദ്യം കുടിക്കാനുള്ള തോന്നലുണ്ടാകും. മദ്യത്തിനൊപ്പം വറുത്തതും പൊരിച്ചതുമായ ഭക്ഷണ സാധനങ്ങള് ഒരു കാരണവശാലും കഴിക്കരുത്. ഇത് കരളിന്റെ ജോലിഭാരം ഇരട്ടിയാക്കുകയും അതുവഴി നിരവധി ആരോഗ്യ പ്രശ്നങ്ങളിലേക്ക് നയിക്കുകയും ചെയ്യും.
അടുത്ത ലേഖനം
