മുംബൈയില്‍ നിന്ന് മംഗലാപുരത്തേക്ക് അവന്‍ വരുന്നു - ഡോണ്‍; ഞെട്ടിക്കാന്‍ ഷാജിയും രണ്‍ജിയും മോഹന്‍ലാലും!

ബുധന്‍, 6 ഡിസം‌ബര്‍ 2017 (15:50 IST)

Shaji Kailas, Renji Panicker, Mohanlal, Joshiy, Mammootty, ഷാജി കൈലാസ്, രണ്‍ജി പണിക്കര്‍, മോഹന്‍ലാല്‍, ജോഷി, മമ്മൂട്ടി

അവര്‍ വീണ്ടും ഒത്തുചേരുകയാണ്. ഷാജി കൈലാസും രണ്‍‌ജി പണിക്കരും. ദി കിംഗ് ആന്‍റ് ദി കമ്മീഷണര്‍ എന്ന ചിത്രത്തിന് ശേഷം മലയാളസിനിമയിലെ ഈ വമ്പന്‍ ടീം വീണ്ടും എത്തുമ്പോള്‍ നായകന്‍ മോഹന്‍‌ലാലാണ്. മംഗലാപുരം അധോലോകത്തിന്‍റെ പശ്ചാത്തലത്തില്‍ ഒരു ആക്ഷന്‍ ത്രില്ലറായിരിക്കും ഇതെന്നാണ് ആദ്യ റിപ്പോര്‍ട്ടുകള്‍. ഫെബ്രുവരിയില്‍ ചിത്രീകരണം ആരംഭിക്കും.
 
രണ്‍ജി പണിക്കര്‍ ഈ തിരക്കഥയുടെ അവസാന മിനുക്കുപണികളിലാണ്. മംഗലാപുരം അധോലോകത്തിന്‍റെ രക്തം പുരണ്ട കഥ പറയുന്ന സിനിമ തകര്‍പ്പന്‍ ആക്ഷന്‍ രംഗങ്ങളും തീപാറുന്ന ഡയലോഗുകളുമുള്ള ഹൈവോള്‍ട്ടേജ് മാസ് ചിത്രമായിരിക്കും. അഭിനയത്തിരക്കിന്‍റെ ഇടവേളകളിലെല്ലാം രണ്‍ജി പണിക്കര്‍ ഈ സിനിമയുടെ തിരക്കഥയെഴുതുകയായിരുന്നു.
 
വിന്‍‌സന്‍റ് ഗോമസ്, സാഗര്‍ എലിയാസ് ജാക്കി, ജഗന്നാഥന്‍, കണ്ണന്‍ നായര്‍, ഹരിയണ്ണ, സക്കീര്‍ ഹുസൈന്‍ തുടങ്ങിയ സൂപ്പര്‍ അധോലോക നായകന്‍‌മാരെ അനശ്വരമാക്കിയ താരമാണ് മോഹന്‍ലാല്‍. ആ‍ ശ്രേണിയിലേക്കാണ് പുതിയ ചിത്രവുമായി ഷാജി കൈലാസ് എത്തുന്നത്. മുംബൈയില്‍ നിന്ന് മംഗലാപുരത്തേക്ക് എത്തുന്ന അധോലോകനായകനായാണ് മോഹന്‍ലാല്‍ ഈ സിനിമയില്‍ അഭിനയിക്കുന്നത് എന്നാണ് റിപ്പോര്‍ട്ടുകള്‍.
 
ദി കിംഗ് ആന്‍റ് ദി കമ്മീഷണര്‍ ആയിരുന്നു ഷാജി - രണ്‍ജി ടീമില്‍ നിന്ന് ഒടുവില്‍ പുറത്തുവന്ന സിനിമ. ഡല്‍ഹി രാഷ്ട്രീയം ചര്‍ച്ച ചെയ്ത ആ ചിത്രം പരാജയപ്പെട്ടു. ഇത് രണ്ടാം തവണയാണ് രണ്‍ജി പണിക്കര്‍ മോഹന്‍ലാല്‍ ചിത്രത്തിനായി തൂലിക ചലിപ്പിക്കുന്നത്. ജോഷി സംവിധാനം ചെയ്ത ‘പ്രജ’ ആണ് ആദ്യചിത്രം. അത് ബോക്സോഫീസില്‍ വലിയ ചലനം ഉണ്ടാക്കിയില്ല.
 
ആശീര്‍വാദ് സിനിമാസിന്‍റെ ബാനറില്‍ ആന്‍റണി പെരുമ്പാവൂരാണ് ചിത്രം നിര്‍മ്മിക്കുന്നത്. ആറാം തമ്പുരാന്‍, നരസിംഹം, താണ്ഡവം, നാട്ടുരാജാവ്, ബാബാ കല്യാണി, അലിഭായ്, റെഡ് ചില്ലീസ് എന്നിവയാണ് ഷാജി കൈലാസ് സംവിധാനം ചെയ്ത മോഹന്‍ലാല്‍ സിനിമകള്‍.



ഇതിനെക്കുറിച്ച് കൂടുതല്‍ വായിക്കുക :  

സിനിമ

news

ഒടിയനെ വീഴ്ത്താന്‍ മമ്മൂട്ടി; ഇനി മോഹന്‍ലാല്‍ മഹാഭാരതവുമായെത്തട്ടെ, അപ്പോള്‍ നോക്കാം!

മോഹന്‍ലാല്‍ ഇപ്പോള്‍ മലയാളത്തിലെ ഏറ്റവും ചെലവേറിയ സിനിമയായ ഒടിയനിലാണ് അഭിനയിക്കുന്നത്. 35 ...

news

കേരള പൊലീസിനെ പരിഹസിച്ച് രാമലീലയുടെ സംവിധായകൻ

കേരള പൊലീസിനെ പരിഹസിച്ച് സംവിധായകൻ അരുൺ ഗോപി. നടിയെ ആക്രമിച്ച കേസിൽ ദിലീപിനെതിരായ ...

news

പട്ടാള സിനിമയിൽ അഭിനയിച്ചാൽ കേണൽ പദവി കിട്ടുമോ? അതായിരുന്നുവോ ലക്ഷ്യം? - വിവാദങ്ങൾക്ക് മറുപടിയുമായി മോഹൻലാൽ

മോഹന്‍ലാലിന് ലെഫ്.കേണല്‍ പദവി നല്‍കിയത് അദ്ദേഹത്തിന്റെ ആരാധകര്‍ക്ക് ഏറെ ആവേശവും സന്തോഷവും ...

news

‘ഞാന്‍ വീരിനെ കല്ല്യാണം കഴിക്കാന്‍ ഒരു കാരണമുണ്ട് ’: വെളിപ്പെടുത്തലുമായി നമിത

നമിതയും നടന്‍ വീരും തമ്മിലുള്ള വിവാഹം നടന്നത് ആഴ്ചകള്‍ക്ക് മുന്‍പാണ്. സന്തോഷമായ കുടുംബ ...

Widgets Magazine