മലയാളത്തിന്റെ മെഗാസ്റ്റാര്‍ മമ്മൂട്ടിയ്ക്ക് അല്പം ജാഡയാണ്, ഗൌരവക്കാരനാണ് എന്നൊക്കെ പലരും പറഞ്ഞിട്ടുണ്ട്. എന്നാല്‍ ഇങ്ങനെ പറഞ്ഞവര്‍ തന്നെ അതു തിരുത്തി പറഞ്ഞിട്ടും ഉണ്ട്. അതാണ് മമ്മൂട്ടി. ആരാധകര്‍ തന്നെ സ്നേഹിക്കുന്നതിന്റെ ഇരട്ടി അദ്ദേഹം തന്റെ ആരാധകരേയും സ്നേഹിക്കുന്നുണ്ട് എന്നതാണ് വസ്തുത.

ഒരു കൂട്ടം ചെറുപ്പക്കാര്‍ക്കിടയില്‍ മമ്മൂട്ടി ‘കൂളായി’ നില്‍ക്കുന്ന ചിത്രമാണ് ഇപ്പോള്‍ സോഷ്യല്‍ മീഡിയകളില്‍ വൈറലായിരിക്കുന്നത്. മമ്മൂട്ടി ഫാൻസ്‌ ആൻഡ് വെൽഫെയർ അസോസിയേഷൻ രാജ്യാന്തര സംസ്ഥാന കമ്മിറ്റി പുനഃസംഘടനക്കു ശേഷം പുതിയ ഭാരവാഹികൾ അടങ്ങുന്ന സംഘം മമ്മൂട്ടിയെ കാണാൻ ചെന്നപ്പോള്‍ എടുത്ത ചിത്രമാണിത്.

മമ്മൂട്ടിയുടെ മാസ്റ്റർ പീസ് എന്ന സിനിമയുടെ എറണാകുളത്തുള്ള ലൊക്കേഷനിലാണ് ഇവർ എത്തിയത്. അംഗങ്ങളുമായി സല്ലപിച്ച്, ചില കാര്യങ്ങളിലൊക്കെ തീരുമാനം എടുത്തശേഷം ഒരു സാധാരണക്കാരനെ പോലെ അവര്‍ക്കിടയില്‍ ഒരാളായി ഫോട്ടോക്ക് പോസ് ചെയ്തു. അംഗങ്ങളിലൊരാൾ ഈ ചിത്രം ഫെയ്സ്ബുക്കിലും പോസ്റ്റ് ചെയ്തു.

എന്നാൽ ഫോട്ടോയിൽ മമ്മൂട്ടി എന്ന മഹാനടൻ ഉള്ളത് ആരുടെയും ശ്രദ്ധയിൽ പെട്ടില്ല. പിന്നീട് കമ്മറ്റിയിലുള്ളവര്‍ തന്നെ പറഞ്ഞാണ് പലരും ചിത്രത്തില്‍ മമ്മൂട്ടി ഉള്ള കാര്യം അറിയുന്നത്.

(ചിത്രത്തിന് കടപ്പാട്: ഫേസ്ബുക്ക്)