കൊല്‍ക്കത്തയില്‍ ര​ണ്ടാം ക്ലാ​സ് വി​ദ്യാ​ർ​ഥി​നിയെ അധ്യാപകന്‍ ലൈം​ഗി​ക പീ​ഡ​ന​ത്തി​നി​ര​യാ​ക്കി​. സ്‌കൂളിലെ നൃത്താധ്യാപകനാണ് ഒരു വര്‍ഷത്തോളമായി പെണ്‍കുട്ടിയെ ഉപദ്രവിച്ചുകൊണ്ടിരുന്നത്. ഇയാളെ പൊലീസ് അ​റ​സ്റ്റ് ചെ​യ്തു.

ഒരു വര്‍ഷത്തോളമായി പെണ്‍കുട്ടിയെ അധ്യാപകന്‍ പീഡിപ്പിച്ചിരുന്നു. വിവരം പു​റ​ത്തു​പ​റ​ഞ്ഞാ​ൽ ജീ​വ​നോ​ടെ ക​ത്തി​ക്കു​മെ​ന്ന് ടീ​ച്ച​ർ പെ​ണ്‍​കു​ട്ടി​യെ ഭീ​ഷ​ണി​പ്പെ​ടു​ത്തിയതിനാല്‍ കുട്ടി പീഡനവിവരം പുറത്തു പറഞ്ഞില്ല.

ക​ഴി​ഞ്ഞ ദി​വ​സം കു​ട്ടി സ്കൂ​ളി​ൽ പോ​കാ​ൻ മ​ടി കാ​ണി​ച്ച​തോ​ടെ ന​ട​ത്തി​യ അ​ന്വേ​ഷ​ണ​ത്തി​ലാ​ണ് പീ​ഡ​ന​ക​ഥ വെ​ളി​പ്പെ​ടു​ന്ന​ത്. അമ്മയോടാണ് കുട്ടി ഇക്കാര്യം വ്യക്തമാക്കിയത്.

പരാതിയുമായി പെണ്‍കുട്ടിയുടെ മാതാപിതാക്കള്‍ സ്‌കൂളില്‍ എത്തിയെങ്കിലും അനുകൂല നടപടിയല്ല അധികൃതരുടെ ഭാഗത്തുനിന്ന് ഉണ്ടായത്. തു​ട​ർ​ന്ന് സ്കൂ​ളി​നു പു​റ​ത്ത് ര​ക്ഷി​താ​ക്ക​ൾ പ്ര​തി​ഷേ​ധ​മുയര്‍ത്തുകയായിരുന്നു.

സ്കൂ​ൾ പ്രി​ൻ​സി​പ്പ​ലി​നെ​യും അ​ഡ്മി​നി​സ്ട്രേ​റ്റ​ർ​മാ​രെ​യും അ​റ​സ്റ്റ് ചെ​യ്യ​ണ​മെ​ന്ന് പ്ര​തി​ഷേ​ധ​ക്കാ​ർ ആ​വ​ശ്യ​പ്പെ​ട്ടു. സ്ഥി​തി നി​യ​ന്ത്ര​ണ​വി​ധേ​യ​മാ​ക്കാ​ൻ സ്കൂ​ൾ അ​ധി​കൃ​ത​ർ പൊ​ലീ​സി​നെ വി​ളി​ച്ചു.