ഏഷ്യാകപ്പിനുള്ള ഇന്ത്യന് ക്രിക്കറ്റ് ടീമിനെ പ്രഖ്യാപിച്ചു. മോശം ഫോമിലുള്ള വീരേന്ദര്‍ സേവാഗിനെ ടീമില്‍ നിന്ന് ഒഴിവാക്കിയിട്ടുണ്ട്. എന്നാല്‍ സച്ചിന് ടെണ്ടുല്ക്കര് ടീമില്‍ ഇടം പിടിച്ചു.
ഓസീസ് പര്യടനത്തിലെ മോശം ഫോമാണ് സേവാഗിന് വിനയായത്. സച്ചിനെ ടീമില്‍ നിന്ന് ഒഴിവാക്കണമെന്ന നിര്‍ദ്ദേശങ്ങള്‍ പല ഭാഗത്തുനിന്നും വരുന്നുണ്ടെങ്കിലും സെലക്ടര്‍മാര്‍ അതിന് തയ്യാറായില്ല. സച്ചിന് തുടര്‍ച്ചയായി കുറഞ്ഞ സ്കോറിലാണ് പുറത്താകുന്നതെങ്കിലും അദ്ദേഹത്തിന് ഫോം നഷ്ടമുണ്ടായിട്ടില്ല എന്ന വിലയിരുത്തലിലാണ് സെലക്ടര്‍മാര്‍.
യുവാക്കള്‍ക്ക് മുന്‍‌തൂക്കമുള്ള നിരയെയാണ് ഇന്ത്യ പ്രഖ്യാപിച്ചിരിക്കുന്നത്. മാര്‍ച്ച് 11ന് ധാക്കയിലാണ് ഏഷ്യാകപ്പ് ക്രിക്കറ്റ് പോരാട്ടം ആരംഭിക്കുക.
ഏഷ്യന്‍ കപ്പിനുള്ള ഇന്ത്യന് ടീം: മഹേന്ദ്രസിംഗ് ധോണി(ക്യാപ്ടന്‍), വിരാട് കൊഹ്‌ലി(വൈസ് ക്യാപ്ടന്‍), സച്ചിന് ടെണ്ടുല്ക്കര്, ഗൌതം ഗംഭീര്‍, രോഹിത് ശര്‍മ, സുരേഷ് റെയ്ന, രവീന്ദ്ര ജഡേജ, ആര്‍ അശ്വിന്‍, പ്രവീണ്‍ കുമാര്‍, വിനയ് കുമാര്‍, രാഹുല്‍ ശര്‍മ, യൂസഫ് പത്താന്‍, മനോജ് തിവാരി, ഇര്‍ഫാന്‍ പത്താന്‍, അശോക് ദിന്‍ഡ.
