മോഹന്‍ലാല്‍ ചെന്നൈയില്‍, ഇത് പൃഥ്വിക്ക് വേണ്ടിയല്ല; സൂര്യയ്ക്ക് വേണ്ടി!

ചൊവ്വ, 11 സെപ്‌റ്റംബര്‍ 2018 (16:45 IST)

മോഹന്‍ലാല്‍, സൂര്യ, പൃഥ്വിരാജ്, കെ വി ആനന്ദ്, ലൂസിഫര്‍, Mohanlal, Suriya, Prithviraj, K V Anand, Lucifer

സൂര്യയുടെ പുതിയ സിനിമയുടെ രണ്ടാം ഷെഡ്യൂള്‍ ചിത്രീകരണം ചെന്നൈയില്‍ ആരംഭിച്ചു. കെ വി ആനന്ദ് സംവിധാനം ചെയ്യുന്ന ചിത്രത്തില്‍ വില്ലനാകുന്നത് മലയാളത്തിന്‍റെ മെഗാതാരം മോഹന്‍ലാല്‍ ആണ്. രണ്ടാം ഷെഡ്യൂള്‍ ചിത്രീകരണത്തിനായി മോഹന്‍ലാലും ചെന്നൈയിലെത്തിയിട്ടുണ്ട്.
 
കെ വി ആനന്ദ് - കൂട്ടുകെട്ടിന്‍റെ ‘അയന്‍’ എന്ന മെഗാഹിറ്റിന്‍റെ രണ്ടാം ഭാഗമാണോ ഈ സിനിമ എന്ന് അഭ്യൂഹം നിലനില്‍ക്കുന്നുണ്ട്. കാരണം സൂര്യയുടെ ഈ ചിത്രത്തിലെ ഗെറ്റപ് തന്നെ. പുറത്തുവന്ന സ്റ്റില്ലുകള്‍ കണ്ടാല്‍ ചിത്രത്തില്‍ സൂര്യ ഒരു കസ്റ്റംസ് ഓഫീസറാണെന്ന് സംശയിക്കണം. അയന്‍ ചിത്രത്തിന്‍റെ ക്ലൈമാക്‍സില്‍ സൂര്യയ്ക്ക് കസ്റ്റംസ് ഡിപ്പാര്‍ട്ടുമെന്‍റില്‍ ജോലി കിട്ടുകയായിരുന്നല്ലോ.
 
പൃഥ്വിരാജിന്‍റെ ലൂസിഫര്‍ എന്ന സിനിമയുടെ സെറ്റില്‍ നിന്നാണ് മോഹന്‍ലാല്‍ ചെന്നൈയില്‍ സൂര്യച്ചിത്രത്തില്‍ ജോയിന്‍ ചെയ്യാനെത്തിയിരിക്കുന്നത്. സൂര്യയ്ക്കൊപ്പം മോഹന്‍ലാല്‍ ആദ്യമായാണ് അഭിനയിക്കുന്നത്. എന്നാല്‍ സംവിധായകന്‍ കെ വി ആനന്ദിനൊപ്പം മോഹന്‍ലാല്‍ നേരത്തേ വര്‍ക്ക് ചെയ്തിട്ടുണ്ട്. തേന്‍‌മാവിന്‍ കൊമ്പത്ത്, മിന്നാരം തുടങ്ങിയ മോഹന്‍ലാല്‍ ചിത്രങ്ങളുടെ ക്യാമറ ചലിപ്പിച്ചത് ആനന്ദ് ആയിരുന്നു.
 
ആര്യ, ബൊമന്‍ ഇറാനി, സയേഷ, സമുദ്രക്കനി തുടങ്ങിയവരാണ് ഈ സിനിമയിലെ മറ്റ് പ്രധാന താരങ്ങള്‍. ലണ്ടനിലെ ആദ്യ ഷെഡ്യൂളിന് ശേഷമാണ് ടീം ഇപ്പോള്‍ ചെന്നൈയിലെത്തിയിരിക്കുന്നത്. ലണ്ടന്‍ ഷെഡ്യൂളിലും മോഹന്‍ലാല്‍ ഉണ്ടായിരുന്നു. ഇനി ഡല്‍ഹിയിലേക്കും അവിടെ നിന്ന് കുളു മനാലിയിലേക്കുമാണ് ചിത്രീകരണസംഘം പറക്കാനൊരുങ്ങുന്നത്.
 
ലൈക പ്രൊഡക്ഷന്‍സ് നിര്‍മ്മിക്കുന്ന ഈ ബിഗ് ബജറ്റ് ആക്ഷന്‍ ത്രില്ലറിന് പേര് നിശ്ചയിച്ചിട്ടില്ല.



ഇതിനെക്കുറിച്ച് കൂടുതല്‍ വായിക്കുക :  

സിനിമ

news

ദിലീപ് കേസിലെ മാഡം, എല്ലാത്തിനും പിന്നിൽ അവർ? - നമിത പറയുന്നു

കൊച്ചിയിൽ നടി ആക്രമിക്കപ്പെട്ടപ്പോൾ ഉയർന്ന് വന്ന ഒരു പേരാണ് ‘മാഡം’. കേസിൽ ദിലീപുമായി ...

news

മമ്മൂട്ടിയുടെ ബിഗ് ബജറ്റ് ചിത്രം, വടക്കൻ വീരഗാഥ 2- ഹരിഹരൻ പറയുന്നു

ഹരിഹരന്‍ സംവിധാനം ചെയ്ത ക്ലാസിക് ചിത്രമാണ് ഒരു വടക്കന്‍ വീരഗാഥ. ചതിയന്‍ ചന്തുവില്‍ ...

news

എന്തിരന്‍ 2.0: ഷങ്കര്‍ - രജനി ചിത്രത്തിന് ചെലവ് 541 കോടി!

ഷങ്കര്‍ സംവിധാനം ചെയ്യുന്ന രജനികാന്ത് ചിത്രം 2.0 അതിന്‍റെ ബജറ്റിന്‍റെ കാര്യത്തില്‍ ...

Widgets Magazine