ഇന്ത്യൻ സൂപ്പർലീഗ് ഫുട്ബോളിൽ അത്‌ലറ്റിക്കോ ഡി കൊൽക്കത്തയ്ക്ക് തുടർച്ചയായ രണ്ടാം ജയം. സൗരവ് ഗാംഗുലിയുടെ അത്‌ലറ്റിക്കോ ഡി കൊൽക്കത്ത നോർത്ത് ഈസ്റ്റ് യുണൈറ്റഡിനെ മറുപടിയില്ലാത്ത രണ്ട് ഗോളുകൾക്ക് തകര്‍ക്കുകയായിരുന്നു.

ടൂര്‍ണമെന്റില്‍ മികച്ച പ്രകടനം തുടര്‍ന്ന ഫിക്രു ടെഫേരയാണ് അത്‌ലറ്റിക്കോയ്ക്ക് ആദ്യ ഗോള്‍ സമ്മാനിച്ചത്. അധിക സമയത്ത് പകരക്കാരനായിറങ്ങിയ യാക്കൂബ് പൊഡാനിയുമാണ് കൊൽക്കത്തയുടെ വിജയ ഗോള്‍ നേടിയത്. ഫിക്രുവിന്റെ ടൂർണമെന്റിലെ രണ്ടാം ഗോളാണിത്. നോർത്ത് ഈസ്റ്റ് ടീമിനെ ഞെട്ടിക്കുന്ന പ്രകടനമാണ് അത്‌ലറ്റിക്കോ പുറത്തെടുത്തത്.

തുടക്കം മുതൽതന്നെ നോർത്ത് ഈസ്റ്റ് ടീമിന്റെ ഗോൾമുഖം ലക്ഷ്യമാക്കി കൊൽക്കത്തയുടെ താരങ്ങൾ ഇരച്ചുകയറി. തുടര്‍ന്ന് പതിനഞ്ചാം മിനിട്ടില്‍ ഫിക്രു ടെഫേര അത്‌ലറ്റിക്കോയുടെ ആദ്യ ഗോള്‍ നേടുകയായിരുന്നു. കളിതീരാൻ മിനിട്ടുകൾ ശേഷിക്കേ യാക്കൂബ് പൊഡാനി കൊൽക്കത്തയുടെ രണ്ടാംഗോൾ നേടുകയായിരുന്നു. മിഡ്ഫീൽഡർ ബോർജ രണ്ട് മഞ്ഞക്കാർഡ് കണ്ടതിനെത്തുടർന്ന് മാർച്ചിംഗ് ഓർഡർ വാങ്ങിയതിനാൽ പത്തുപേരായി ചുരുങ്ങേണ്ടിവന്നിട്ടും മികച്ച പ്രകടനം പുറത്തെടുത്ത് കൊൽക്കത്ത വിജയം കൈപ്പിടിയിൽ ഒതുക്കുകയായിരുന്നു.


മലയാളം വെബ്‌ദുനിയയുടെ ആന്‍‌ഡ്രോയ്ഡ് മൊബൈല്‍ ആപ്പ് ഡൌണ്‍‌ലോഡ് ചെയ്യാന്‍ ഇവിടെ ക്ലിക്ക് ചെയ്യുക. ഫേസ്ബുക്കിലും

ട്വിറ്ററിലും പിന്തുടരുക.